السلام عليكم ورحمة الله وبركاته . .
شحالكم عساكم بخير بنات ,
بغيت استفسر عن تخصصات جامعة الامارات ,
وبالذات تخصص هندسه وعلوم . .
الي يعرف هالتخصصين يعني كيف الدراسة رح تكون ,
الهندسه هل مهم اني ايب فالفيزيا والرياضيات والكيميا فوق 80 . .
اليوم سوولنا ارشاد شي جي حق الثنويه العامه طلعت عقب ساعتين ونص وراسي دار
,,, الحمدلله انا محدده جامعتي ,
بس التخصص محتاره ., كنت باخذ قانون قالولي كيف وانتي علمي يعني , حرام
قلنا خلاص نرد للهندسه بس اشوفهم يبون فيزيا ورياضيات وكيميا ,بعدي الكل ماعدا الفيزيا لوعة جبد ,
وبخصوص كلية العلوم , يعني كيف وجي شو الدراسة ,
اوكيه ؟؟
ارؤم اضمن مستقبل و وظيفة ومكانه ولا , ؟
ادري ارمس وايد بس تحملوني يعني خخخ
38¨ مشاهده والله زين
بخصوص الهندسة ييبي نسبة فوق التسعين وبقبلونج فيها ان شا الله
بس عشان أكون صريحة وياج كلية الهندسة مستواها وااااايد عالي ودراستها صعبه فاستخيري
كلية العلوم طبعا يبالها جهد بس ارحم عن الهندسة بس حددي شو تبين بالضبط ف العلوم ؟؟
وجوفي هالموضوع يمكن تستفيدين منه
http://multqa.ae/forum/showthread.php?t=61816
الهندسه لازم تيبين فوق الـ 85
انا نسبتي 87 وقبلوني
الهندسه يبالها وحده تدرس
العلوم يباله وحده تحب الاحيا
الاحيا الجزيئيه يباله وحده ماتلوع جبدها
انا ادري يقولون الهندسه فالتقنيه غير عن الجامعه , والهندسه يباله وحده لها بارض , انا لي بارض بس خوفي الوحيد الفيزيا ,
بدش الرابط وبشوف ,
المشاركة الأصلية كتبت بواسطة ملاآك قلبكـ،، 
انا نسبتي 87 وقبلوني
الهندسه يبالها وحده تدرس
العلوم يباله وحده تحب الاحيا
الاحيا الجزيئيه يباله وحده ماتلوع جبدها
الاحيا الجزيئية ربيعتي حبت التخصص وخلاص محدده هي , نحن لما سجلنا فالسيبا
اخترنا ثلاث هي اختارت كل التخصصات علمي انا اخترت هندسه اولهم وعقب قانون واداره اعمال ماحطيت تخصص العلوم ,
ف مادري يعني , احس بعد احاتي ,خاطري فالقانون والهندسه , احترت ,,
للرفع