السلام عليكم ورحمه الله وبركاته……………
مرحبا خواتي
خلونا نستفيد من بعض وهذا المووووضوع لازم يشاركن فيه الى سافرن ماليزيا عشان يستفيدن الى بسافرن الحين …………..
شو احس شي شريتيه من ماليزيا ومن وين اشتريتيه .؟؟؟؟؟
ومن وين الاقي ملابس يهال تنفع للعيد ولي انا بعد …
يعنى شو خذتن من ماليزيا
ارجو ذكر المنطقه
دمتم لعيووون تغليكم
شوووووووووووووووووووووووووت فوق
فيه مركز اسمه سوريا
فيييييييييييييه كل شي تتخيلينه وعندهم بدل حلوه لليهال
لكن بصراحه نفس اللي عدنا ما تفرق البضاعه
وفيه الميجا مول بضايعهم زينه
وتايم سكوير فيه ايبيعون عطو ر // منها دهن العود رخيص وريحته غاويه بصراحه
ورحله سعيده ان شاء الله
تسلميلي اختى قصص
بزاج الجنه ان شاء الله
انا عن نفسي خذت لبناتي فساتين ناعمه وخفيفه شرات الي عند مونسون وعليها شغل ايد
في مول سوجو بتحصلينه في نفس طابق ملابس الاظفال في كورنر بروحه ملابسهم وايد حلوه
واذا تبين بدل عاديه بتلقين محل ماذكر اسمه بالظبط بس هو موجود بالتوين تاور و مول لوت 10
أكثر شي عيبني الشنط والنعل والجواتي وأنت بكرامه وملابس العيال بعد حلوه وعملية ومالت مكده
المولات ( بي بي بلازا , التايم سكوير , سوريا (بس هالمول أغلبه ماركات وغالي ) , والسوق الملاصق لفندق صن واي لاقون , وأغلب المولات اللي في شارع العرب
أنا بعد خذت ملابس لعيالي أكثر شي من مول SOGO في الدور الرابع و بعد من Parkson اللي هو Department Store موجود في مول Sungei Wang و تقدرين تحصلين في Metrojaya و هو موجود في Times Square و في BB Plaza