السلام عليكم
اخباركم عرايس
بدخل بالموضوع دايركت فديتكن بنات انالين الحين ما اشتريت ذهب من اول ما ملجت وانا اجل لين يرخص ولين الحين قاعد يرتفع امس سرت اشتري وااااااايد غالي يعني فلوسي ما يجبني شي برايكن بنات اجل لين في مجال يرخص قبل شهر واحد لان اانا عرسي بشهر واحد ولا اتوكل على الله واشتري وهو غالي
وياريت البنات يخبروني ايلي بعرسن بشهر واحد اشترن ذهب ولا بعد …..؟؟؟؟
وجزاكم الله الف خير
بصرااحه ماعرف شوو اقووولج ..
بس صج صج الذهــب فوووووووق .. لاعلى درجااتـه ..
الله يسلمج انا عرسي اخر عشــره ,,
وملجتـي كانت نص 6
واول سبعه خذت الذهـب الحمد الله وافتكيــت وحسيت هم وانزاح من الزهااب …
بس حسيت ان في شووي زاايد من فلوسي وبما اني ابالي خاتم شووي عوود ..
سريت من كم يوووم ياربــي مارمت اخذ لي شي الخااتم الوااحد يوووصل 3000 او 2500
وانا كنت ابالي شي يبنااب في ذهبي والخفيف عندي
والله مااعرف افيييدج بس الله يكون في عونج ويساااعدج ان شاء الله
بس انتي شووفي التوقعات ع الاياام اليايه الذهب كيف بيكون اقل او ازيد
وبجذيييه حددي انتي متى بتنوين تاخذيه
حبيبتي الذهب ما بينزل سعره
بيتم يرتفع
اتلاحقي على عمرج وخذيلج الحين احسن
الله يعين
انا خذته ف شهر 7 وافتكيييييييت
الحمــدالله
قالولي اتريي بينزل بس الحمدالله
خذت قبل وافتكيت
صدق اتلاحقي ع عمرج لانه يرتفع ما ينزل
تابعي الذهب يوميا وجوفي اذا نزل على طول روحي اشتريلج .. وخذيلج لفه كم من محل عسب تجوفين الاسعار
وحاولي تتفاوضين وياهم بالسعر علشان توفرين على عمرج بعدين
امسات سرت سوق الذهب قلت بلقي نظرة .. اسعارهم نااااار
طقم ذهب هندي صغير قالي بـ 22 الف
والله المستعان ..
ملاحظة : حتى لو نزل الذهب .. المحلات ما بينزلون الاسعار
انا مرة ما خذيت و الحين متندمة، بس الحمد الله اذا الذهب رخص شوي الباعة ما يقصرن بيرفعون الربح هالاشيا ما طوف عليهم يعني سيري اليوم و شوفيلج شي معين و سيري اذا نقص السعر و شوفيه نفسه بتنصدمين ان نفس السعر، وايد استوت وياي، اتوكلي عل الله