بنات التقنيه ساعدوني

Please be specific because HCT is having many exams

If it is challenge exam then English and Maths

If it is for IELTS then it is similar to real IELTS and you can find samples on****

I am not sure which placement exam you have

اذا تقصدين الـ challenge ترا سهل و ما يباله شي

مقسم لـ4 اقسام

Reading

بيكون عندج قطعتين وعليهم اسإله و سهل ما يباله شي بس ركزي شو السؤال طالب منج و حلي و انتبهي لعدد

الكلمات اذا كان السؤال طالب منج جواب ما يتعدى الـ 3 كلمات او كلمتين..

Writing

بيعطونج قضيه معينه مثلا" الخادمات في مجتمع الامارات شو السلبيات و الايجابيات اكتبي عنهم و حاولي تستخدمين

كلمات صعبه.. و كلمات الربط لا تنسينها لانها مهمه مثل moreover Also Inadditon و غيرها من الكلمات

Listening

سهل بعد بس ركزي ويا الشريط و بتحلين عدل و الـSpelling مهم لان اي حرف غلط بالكلمه وحتى لو جوابج صح

بتنحسب على انها غلط..

Speaking
بتكونون مجموعه من 3 بنات او بنتين انتي و حظج يعني اول شي بيسإلونج اسإله عامه مثلا" عن المكان الي

انتي ساكنه فيه وشو يعيبج فيه او عن دراستج عقب بيعطونج انتي والي وياج موضوع تناقشونه مثلا" عن

التخصص الدراسي هل الوحده يوم بتي تشتغل لازم تشتغل على حسب تخصصها او لا بتمون تناقشون بينكم و بين

بعض و كل وحده تقول رايها و لازم تعقبين على الكلام الي قالوه اربيعاتج هل انتي موافقه والا مش موافقه وليش..

وعقب بيعطونكم ورقه و فيها موقف مثلا" انتو مجموعه من الطلاب بتسوون مجله شهريه للكليه شو تبين يكون فيها

حاطين لج 10 اشياء الي بيمتحنونكم بيعطونكم دقيقه تتفقون فيها على الاشياء الي بتحطونها و الاشياء الي

بتستبعدونه مع ذكر السبب سؤاء بالرفض او الموافقه ..ولازم تقولون جمله كـ افتتاحيه للموضوع

مب سيده تناقشون النقاط علشان يبين ان الحوار سلس و حلو..

حاولي ترمسين وايد و حتى لو البنات الي وياج ما عطوج فرصه ترمسين قاطعيهم بأدب مثلا" قولي

Sorry for the interruption but I think that….. و اعطي وجهة نظرج لان شي بنات

الله يهديهن ما يخلون لج مجال للكلام .. و كوني مرتاحه و ابتسمي و استخدمي Vocabulary تكون حلوه

و مناسبه للموضوع..