بنات عرسي شهر 4 ان شاء الله حجزت المكياج والشعر عند خلود التميمي شفت شغلها على بنت عمي وبنت خالتي واتخبلت
والحين تعبت من التفكير بالفستان ( فستان العرس ) للحين ما اجرت امممم تشوفون انه توه الناس ولا لازم احجز من الحين؟
اممممم عطوني اماكن تاجير فساتين الاعراس في عيمان او الشارجه او دبي
بنات دخيلكم اخدموني في هالشي ؟؟؟
حبيبتي الله يتمللج على خير …. سيري احجزي احسن اضمنلج في بنات شهر 5 و 6 ومن الحين حاجزين وانا شهر 3 ومن شهر 12 حاجزه سيري احجزي عشان تضمنين الفستان اللي تبينه يكون متوفر يوم عرسج … انا مأجره فستاني من عند هزار اللي في جميرا … وربيعتي عرست شهر 9 كانت مأجره من دار سارة في مركز الهنا وفي الشارجه عندج ريم الحوسني …. الله يوفقج يارب
وعليج السلام
الف مبروك عزيزتي و الله يتمم لج ع الف خير
بالعكس من الحين احسن عشان ما تحطين نفسج تحت ضغط عقب
محلات الاعراس في جميرا هزار و في الشارجة في على البحيرة بس ما اعرف حد معين اتصلي في 181 و خذي ارقام محلات فساتين اعراس اتصلي واسالي ع الاسعار و كل شي احسن والله يتمم لج ع الف خي
الله يتمم لج على خير
صح أحسن شيء تحجزين من الحين على ما تلاقين الفستان اللي تبينه
الاحسن تحجزين من الاحينا وتجهزين .. وربي يتمم عليج بالخير ..
شكرا بنات ماقصرتوا وان شاء الله بسير احجز من الحين عسب لا اتوهق
والي عندها ارقام بنات ياجرن فساتين اطرشه لي عالخاص
شوفي محل اسمه esposa في دبي او الشارجه مب متاكده بس وايد حلوه فساتينهم لبنانيه
وشغلهم مرتب ، بس لازم تاخذين موعد قبل ما تروحين عشان تفضالج عامله وتجابلج