السلآم عليكم
شحآلكم بنآت ؟؟؟
بنآت فيه شي مضآيجني يمكن انتوآ تشوفونه بسيط بس أنآ وآيد مضآيجني هالشي لدرجة أيلس يوميآ أصيح
الحمدلله أهلي أبدآآآآ أبدآآآآآآ مش مقصرين فيني ، يعني لبس ومصروووف وطلعآت وسفرآت وكل شي أبآه الحمدلله يتوفرلي
بس فيه شي حآز بقلبي
أنآ من قريب انطردت من الجآمعة عقب 4 سنين تعب
تتخيلووووون القهر اللي فيني !!!!!
والله والله يآ بنآت أتعذب يوميآآآآ ، اللي بيشوفني بيقول هآذي ولآ هآمنهآ عآيشة حيآتهآآ
بس القهر اللي فيني والتعب اللي ضيعته بسنين قسمآ بالله يآ بنآت من هالقهر ، استويت كله سرحآنه ، وحتى لو يلسنآ مكآن أو تيمعنآ تلقوني كله سآكتة ومآ أبآ أشآرك ويآهم بالكلآم
والله لدرجة مآ أقدر أحط عيني بعين أمي وأبوي ليومكم هذآ وكله عآزلة عمري بالغرفة
ابتعدت عن كل حد وحتى عن أقرب النآس لي
وكل مآ تستوي طلعة ، كله أتحجج
الحمدلله سجلت حآليآ بجآمعة خآصة وبكمل ع الكورس اليآي ويوم رحت سجلت موول موول مآ كنت محتمسة لدرجة شوي وبصيح
بس والله غيييير ، أحسني مستوية عآآآآآآآلة مع ان هم مآ حسسوني ولآ يطرولي سآلفة الطرد بس خلآص لدرجة قمت أدورلي شغل بس عسب أقولهم شوفوني أنآ أعتمد على عمري ، أنآ أقدر أوصل للي أبآه
مرآت أمي يمكن من دون قصد بس تقول زين جيه ضيعتي 4 سنين والله أحس جني أنطعن مع إنهآ تسولف ويآي بس خلآص أحسني مآ أتقبل
بنآآآآت تعبت نفسيآآآ ، حتى بنت خآلتي تقول لي مستوية خقآقة مآ اتبينين
أحسني مش قآدرة أظهر مكآن ولو ظهرت هالشي يتم في بآلي
تخيلوآ سنين عمركم ضآعت وكنتوآ تتريون السنة اللي بتفرحون فيهآ قلب أهلكم
وغير عن جيه يوم مثلآ أحد من إخوآني نجح بدرآسته أستآنس لهم بس أحس نظرآت الحسرة بعيونهم من صوبي
والله شي يقهر
محد حآآآآس فيني
أبآ أثبت عمري للكل
مع اني كنت بالثآنوية العآمة من النسب العآلية
بالجآمعة كل شي انجلب علي
أبآآآآ أشتغل ومآ أبآ أعتمد على أي حد ، حتى لو أهلي ، لو كنت أدرس من أول بجآمعة خآصة شي عآدي بس 4 سنين ضيعتهآ وبعدين أرد أدرس من أول ويديد
ولآ شي يحسبونه لي من اللي درسته
مب حرآآآآآآآآآآآآآآآآآآآآآآآآآآآآآآآم
شي يقهر ويبط الجبد والله
دخيييلكم ادعوووولي لأان نفسيتي تعبت ومستوية وآآآيد وسوآسية من هالموضوووع
عسى ان تكرهوا شيئا وهو خير لكم ..
صدقيني اكيد ربج مب رايد انج اتكملين التخصص اللي انتي فيه .. اكيد هالتخصص ما بيكون خير لج لا فدينج ولا فدنياج ..
اختاري تخصص سهل .. مب لازم اللي يختارون التخصص الصعب هم الناجحين في الدنيا
انا حرمة خالي اتخصصت تخصص جدا سهل .. وبدرجة مقبول اتخرجت م الجامعه .. بس تعالي شوفيها الحين ما شالله عليها .. صارت اخصائيه في امارتها .. وما في حد شراتها .. ومن تطرينها الكل يعرفها ..
مب شرط اللي ينجح في الثنويه بامتياز .. ينجح في الجامعه بامتياز !!
ومب شرط اللي يفشل في الجامعه .. يفشل في حياته ووظيفته ..!!
يمكن انتي احسن عن غيرج في امور ثانيه ومبدعه ..
مافي واحد مب متميز في شي معين !!
انتي شوفي وين ميولج ..!! وعلى هالاساس اختاري تخصصج .. ولا تنسين ربج وصلاة الاستخاره والاستغفار وسورة البقره
وان شالله بيي اليوم اللي بتثبتين للكل انج قدها وقدود
وبيي اليوم اللي بنشوفج فيه بمنصب مرموق في المجتمع .. وبنشوفج اتبشرينا هني في المنتدى
الله يوفقج يارب ويكتبلج اللي فيه الخير 
اختج : درة دار زايد =)
الله يعييييييييينج حبيبتي لاااااا تتضايجيييييييين وتسوين ف عمرج جي روحي وطلعي واستاانسي وان شاء الله يعوووضج عن كل اللي رااااااح وتلقيييين الوظييفة اللي تنااسبج وتررريحج وتعتمدييين ع نفسج ^^
الله يوووووفقج
المشكلة اني تخصصت نفس التخصص اللي كنت فيه
أنآ كآنت مشكلتي الإنجليزي وهالتخصص مآفيه انجليزي ولآ يبون شهآدة الآيلس عسب جيه رديت له وغير عن جيه الجآمعة اللي أنآ فيهآ يبون شهآدة الآيلس للتخصصآت الثآنية وأنآ شهآدتي منتهية ويوم قلتلهم عآدي أييبهآ لكم قبل لآ أتخرج من عندكم ، قآلوآ لآ لأزم اتييبين الشهآدة وسآعتهآ تدرسين عندنآ وعآد وين عندي وقت أييب لهم شهآدة الآيلس وأنآ نآسية الإنجليزي بكبره وألحينه على ويه رمضآن يعني موول مووول مآشي وقت لأني لأآزم آخذلي دورة الآيلس بالأول
لو عني أنآ مآ جآن كملت الدرآسة بس عسب خآطر أهلي والله
درة دآر زآيد وفرآولة الحب مشكورآت حبآيبي
آميييين ^^
والله من قريت ردودكم صحت زيآدة ، يعني غير يوم اتشوفون حد يعرف بمشكلتكم ويؤآزركم << حسآسة ههه
وعسى أن تكرهوا شيئا وهو خير لكم
انتي ما تدرين ليش رب العالمين ما كتب لج تخلصين
بس الي لازم تعرفينه ان رب العالمين عدل ومستحيل يظلمج
وأكيد الي استوى خير الأمور لج
وترى الجامعـة مب هي العلم أختي
العلم هو الي فذاتج الشي الي تتعلمينه من خبرتج بالحياة ودروس الحياة
وما عليه أختي اطوي الصفحـة
وابدئي من يديد بشي انتي فعلا تحبينه
واستخيري قبل كل شي
والله وياج أختي لا تقنطي من رحمة الله
حبيبيتي لا تكدرين عمرج ترى الدنيا ماتسوى
الله يعينج ربي يوفقج ان شاءالله