السلام عليكم ورحمه الله وبركاته
خواتي بخبركم سالفتي
وانا تراني محتراه تعبت من التفكير حييييييييييره ولا اقدر اقرر ابد
الموضوع ومافيه انه تقدملي واحد … هالشخص يا بنات احترت معاه
هو فيه صفات وايد زينه ..من دين واخلاق وصلاه و فيه وايد اشياء في هذا الزواج زينه و لصالحي و بكون محظوظه لو خذته …
لكنه يا خواتي ..هالخاطب عنده مشكلة في الفهم ..مايفهم ..يعني لو بترمسينه لازم تعيدين له السالفه كم مره ولا عادي يفهمج غلط ..يوم سألنا عن الريال قالوا لنا انه انسان خلوق و ماعنده سوالف بنات و مصلي و جذيه ..بس ذكائه ضعيف و مايفهم بسرعه ..و عنده صعوبه في الكلام ..بالاضافه الى انه يتأتأ
انا ماعندي مشكله في التآتآه ولا صعوبة الكلام..انا متضايقه من سالفه الفهم البطيء
ترا خلوني اهلي اقعد معاه كذا مره و كلمته بالتيلفون بعد ما اصرينا عليهم اني اكلمه عشان اعرف طبعه و جيه ..وبالفعل لاحظت عليه انه شوي مب مثل الانسان الطبيعي ..ويفهمني غلط او ما يعرف شو يالسه اقول ..
احس اني في وادي وهو في وادي ..ما ادري كيف..
وبعد احس اني انا الي ابغي اتزوجه مب هو …كانه ياهل قالوله لازم تروح المدرسه عشان تاخذ الشهاده..وهو شكله واجب عليه يتزوج و بس ..لمجرد الزواج……..احس باسلوبه وايد جاف و رسمي ..وكانه لابس قناع طول الوقت ولا شفت شخصيته الاساسيه..ونفس الكلام اخوي قالي ..وحس بنفس الاحساس بعد ما كلمه كم مره ……
والله اول مره يمر علي شخص جذيه ..بنات انا كبرت و اقول خلني اعرس
بس والله موووووووووول ما احس اني متقبلة هالشخص .. ماعندي مشاعر اتجاهه ابد..حاله حال اي انسان ما احس انه هذا خطيبي وفرحانه ..ابد
الشي الوحيد الي غامضني في هالزواج انه كل شي ثاني اوكي بالنسبه له ..من ناحيه اهله و اخلاقه و الظروف الي بعيش فيها عقب..بس هو كانسان و كشخصية …اببببببببببببد مب متقبلتنه..
خواتي صليت الاستخاره اكثر عن ٧ مرات والايام الي ماعليه فيها صلاه اردد الدعاء بس فوق هذا جذيه احسني مب متحمسه ……وامي كانت اول شي فرحانه و عقب يوم قعدت مع الريال قالت ارفضيه ما يناسبج ابد ..امي عمرها ما قالت جيه دوم اتأنبنا لو رفضنا حد بس هالمره غير هي تشجعني لانها ما ارتاحت له ..واخواني احسهم مب مرتاحين له بعد
ما ادري شو اسوي اخاف ارفضه و اخاف اقبله
يارب رحمتك دلني على الطريق
الله يعينج حبيبتي وربي يجدم اللي في الخير
العفو منج أختي تقولين صليتي ومؤ مرتاحه وأهلج أغلبهم مش متقبلينه ؛؛؛؛ الجواب واضح واللي هو الرفض
ٱللّھ يرزقج ويعوضج بكل خير
ليش الحيرة انت مو محتاااره اصلا انتى عااارفة الجواااب وقلتيه بس مشكلتج خااايفة من باااجر
حسيت من كلامج انج ما تريدنه ولا متقبلتنه
حطي في ايدج ورقة وقلم وقسمي سلبيات وايجابيات
بس قبل هذا كله هل اتحسين انه بيكون الاب المنااسب لعيالج؟
هل بتقدرين تتقلمين معاااه ؟
والله يجدم الي فيه الخير
الله يكون في عونج
الغاليه دامج استخرتي ومب مرتاحه خلاص ارفضيه
عسى يعوضك باحسن منه باذن الله
تصدقين كانج ياسة بعقلي وتكتبين الموضوع
لان صفات حطيبي نفسها ونفس ردة فعل اهلج ومحد جبرني
وفكرت واايد وكنت خايفة ارفض ومش عارفة شو خاشة لي الدنياا
وللاسف واافقت وياليتني ما وافقت ااااااااااه يالحسرة اللي بقلبي
والحين طالبة الانفصال
نصيحة اختي اذا عقلج مو متقبلنه لا تبلشين عمرج بمشاكل وبلاوي انتي في غنى عنهاا
وربي يوفقج
حبيت انصحج