السلام عليكم
اشحاالكم خواتي؟؟
بخبركم سالفتي كلها
انا حبيت واحد من 7 سنين كانت علاقتنا محترمه المهم قبل ما يخطبني احس انه يبا يعترف في شي ,لين ما قالي انه هوو شيعي حتى يوووم يقولي هاي الكلمه احسه مب مقتنع في مذهبه لووو هووو مقتنع ما بيخااف يقولي هو من زمااان كان يقولي بس امه شيعيه يعني هو سني بس احينه اعترف ,,
انا من كثر حبي وتعلقي له ما قدرت اقوله ماباك يعني بعد هاي العشره وجي
انا خفت وااايد يوووم يوو يخطبوني اتعرفووون صعب اني آخذ شي لأني سنيه
ولأن اهلي واااايد متفتحييين وعاطيني حرية الاختيااار واافقووو علييه بس انا شرطت عليييه انه يغير مذهبه ويصييير سني شراتي لاني مابي عيالنا بعدين يتشتتووون وجي
هو قالي لو امه عرفت ما بتخلييه يتزوجني يعني هو موافق وعادي عنده يستوي سني بس بيينه وبين الله وبيني بسسس يعني اهله ما يدرووون
بس انا كل ما اكلمه في موووضوووع افهمه عن الغلط اللي يسووونه ما يرضى يعني هو بعده مقتنع في مذهبه ويقولي نحنا كلنا نفس الشي كلنا مسلمين
ماعرف كيف اكلمه كيف اقنعه شو اقوله
بعدين انا بعدني مالجه وانا خايفه مع الاياااام امه تترس راااس عيالي عن مذهبهم لاني بعيييش وياهم في البيت وانا اشتغل واكيييد عيالي انشاااء الله بيكوونوون عنددها ف ماعرف شو اسوي
انصحوني خواتي
واتمنى انكم تدعووون لزووجي
السلام عليكم مشكوورين خواتي على ردوودكم
والله يسامح اللي فاهمني غلط
بس حبيت اقولكم انا من بعد ما حطييت الموضوووع انا كنت وااايد مضااايجه ردقت وانا مضااايجه بس شفت رؤيا في منامي وارتحت
والله يا بنااااات حلمت اني كنت مع جمااااعه من النااااس نازلييين من لفت نزلنا من فوووق وفجأه يوم نزلنا الارض اللله سبحانه وتعالى كان على يميني بعدين انفتح باااب اللفت وطلعت الجنه جدامي ودخلتها وشمييت ريحتها وكانت ريحتها قويه وحلوه والله اني نشيت من نومي والريحه بعدها
الحمدلله فسرت الحلم وتفسيره وااايد زييين وووايد ارتحت وحسييت انه الله يقولي لا تحاتين ولا تخاااافين
منوو فيكم تتمنى انها اتشوووف الله في الحلم
الله يهديـه إن شاء الله
اختيه دامج بعدج مالجه حاولي تحطيـن هالشرط قبل الزواج
تذكري إنتي سنيه ومفروض تاخذين سني
الله يهداج حاولي تتفاهمين معاه ما فاد كلمي هلج والله المستعان
<<< صراحـه ماعرف شو ارد عليج بس لأني دخلت الموضوع وماحبيت أطلع بدون ما أرد عليج 
الله يوفقج فيما يرضاهـ
اختج:بنوتـة الراهي^.^
إختي هو اثنى عشري؟
حبيبتي اسمحيلي بس انتي غلطانه انتي سنيه وهوه شيعي وكوني متأكده ان امه بتترس راس اعيالج على مذهبهم وانتي بتاخذين اثم اعيالج لانج خذتي شيعي الله يهديج فكري قبل ما تتزوجين .
الله يهديج شورنا لا بيجدم ولا بياخر صلي الاستخاره اخيرلج والله يجدم اللي فيه الخير
والله يوفقج ان شالله
مشكوورين خواتي على ردكم
بس هووو احينه سني صلاته مثل صلاتي وهوو اصلن عمره ما دخل ماتم وما يسوي سوالفهم واصلن اهله ناااس زينيين ومب متعصبين عادي يختلطوون ويانا لوو هم مب زينين جان ما خلووه ماخلووه ياخذني
االحمدلله امه واااايد تحبني وووايد زينه وانا وايد احبها ااا
المشاركة الأصلية كتبت بواسطة سويت قيرل 
ما فهمت علييج اختي