السلام عليكم ورحمه الله وبركاته
شخباركم خواتي ؟؟
عساكم طيبات ؟؟ 
بنات خبروني كيف يسوون العصيده ؟
ابغي بالطريقه اليمنيه
شي ناس يحطون طمااط ومادري شو ماابغي انا هالطريقه !!
ابغي يكون طعمها حلو يسونها بالتمر
بليز اللي تعرف ماتبخل عليه
متوحمه عليه ههههههههههههه (مب حامل )
اترياااااااااااااااااااااااااااااااااااااااكم ضروري 
اعرف البحرينيه تبينها؟؟
غناتي ابغي بالطريقه اليمنيه
واااااااااااااااايد حبيتها يحطون وياها تمر بس ماعرف كيف الطريقه !!!
بليز اللي تعرف ماتبخل عليه
يزاج الله خيييييييييييير
ماقصرتي الغاليه ويعطيج الف عاااااااااااااااااااااافيه 
يعافييج فديتج
وبالعافيه مقدما
هلا اختي اليوم كنت مسويه العصيده لان امي تحبها بس ما تقدر عسب ايدها لان يبالها ايد قويه يعني عسب تحوثين العصيده …….
المقادير وايد سهله :::::2 كوب طحين رقم 1 تحمرينه في التاوة (بدون زيت طبعا )
1 ونص كوب شكر تحطيه بجدر وتحمرينه لين يغدى شرات الكارميل ولونه عسلي عقب ضيفي عليه ماي 6 اكواب شوي شوي وانتبهي وانتي تحطين وحركي عشان يذوب الشكر ويا الماي (استعملي الاداه اللي نستخدمها للباشميل شرات الاسلاك داخله ببعضها يعني مكسر الصلصات )وحطي 1ملعقه هيل +ثلث كوب زيت عادي ……..عقب امسكي مشخل الطحين وابدأي تحطينه وبنفس الوقت تحركينه عدل + حطي نص كوب ماي ورد مخلوط وياه زعفران واحركيهم عدل عدل عدل عدل ومن يبدأ يفور خفي النار على الاخر وخليه على نار هاديه 10 دقايق …. ويقدم مع القهوة ………….اذا غليظ زيدي ماي شوي ……… ترا المقادير مثاليه وصحيحه لاني دوووم اسويه …..