والآدمـي ربحـه بالأيـام خـافـي
أبواب تقفل.. والولي يفتـح أبـواب
أمراض تنزل.. والكريـم المعافـي
أشياء تشد أعصاب، وتريح أعصـاب
والعمر ما يبقى على طـول صافـي
هـي سنـة الأيـام دوره.. ودولاب
والنفـس طـرّاده للأطمـاع هافـي
راع الفقر لا يامن يجـر الأسـلاب
ومن يغتني لا يامـن يسيـر حافـي
الوقت مد أرقـاب وينـزّل أرقـاب
ولولا المرض ما نهتنـي بالعوافـي
وبين القصور.. وبين منسوج الأطناب
الحب يبقـى داخـل القلـب غافـي
يا صاحبي لا تحسب الظرف غـلاب
لو هو جفاني الوقت مانـي بجافـي
قدرك بقلبي لو فتحنـا لـه حسـاب
يملا بنـوك الحـب وتقـول كافـي
سوق التداول خاب.. ومساهمه تـاب
والا انت سهمك طول الأيـام وافـي
أربح بحبك لو نزل سهـم (ينسـاب)
ربحي كبير ولو تطيـح (المصافـي)
انت التجاره.. والخساره بالأحبـاب
وصلك على تقصير الأيـام ضافـي
المـال يلحـق دام للمـال طــلاب
مار البـلا وأحبـاب قلبـك مقافـي
لا صار خلك ينحسب ضمن الأغراب
أو غـاب بالدنيـا صديـقٍ سنافـي
والقل قل العرف.. أو قل الأصحاب
والرزق بإيد اللـي يديـر السوافـي
للشاعر : فالح الناهي