السلام عليكم والرحمة
بدش فالموضووع بدوون مقدمات
انا انشالله السنه هاي ثانوية عامة
وانشالله اييب نسبه عااليه
الله يسلمكم ابغي اتخصص هندسة حااااسوب في جامعة الشارجة
بما اني داشة ادبي فبغيت اعرف يعني عادي اذا بغيت اتخصص فالهندسة
انا قلت يمكن بس العلمي اللي يقدروون يتخصصون هندسه
واذا كان جوابكم لا فبغيت اي تخصص عن الحاسووب او التكنولوجيا
بتقولون لي دشي اعلام انا ما ابغي الاعلام
فبغيت فزعتكم لي وانشالله ما بتقصروون ويايه
انــا كنت ادبي ,, و دخـلت اداره اعمـال و العام تخــرجت الدرااسـه حــلوه و مريحــه , , ,
المشاركة الأصلية كتبت بواسطة روح سلطان 
ثاانكس ع المرور
و انا مثلج هالسنة الثانوية العامة ..
و فكرت أدرس آي تي ان شاءالله لاني أدبي مثلج ؛ فـ تقنية الشارجة ..
و ربي يوفقنا و نييب نسب عالية بأذن الله ..
آآميين ..
اظن عادي
وطبعا هذا ع حسب الجامعة او المكان اللي بتدرسين فيه
انا كنت بنت ادبي وكنت افكر ادرس IT قبل واربيعاتي شجعوني وايد
خاصه ان وايد شاطره وكنت اساعد البنات ف تتوريل سنتر ويبت ف اي تي 1 و اي تي 2 A ومعدلي كان عالي
فقالوا لي ان عادي ادرس ف كلية الاي تي بس لازم معدلي ما يقل ويتم عالي واجتاز الماث مال العلمي
وسبحان الله ابوي توفى حزتها وطلعت المسأله من خاطري وحسيت ان مالي بارض للدراسه اصلا
بس كملت ادارة اعمال وتخرجت والحمدالله
وماشاءالله اختي اللحين تدرس هندسة كومبيوتر وبتتخرج عقب سنه ونص بإذن الله
موفقه حبيبتي
اللهم أرزقني رزقا واسعا حلالا طيبا من غير كد.. واستجب دعائي من غير رد.. وأعوذ بك من الفضيحتين: الفقر والدّين.. اللهم يا رازق السائلين.. يا راحم المساكين.. ويا ذا القوة المتين.. ويا خير الناصرين.. يا ولي المؤمنين.. يا غياث المستغيثين.. إياك نعبد وإياك نستعين.. اللهم إن كان رزقي في السماء فأنزله.. و إن كان رزقي في الأرض فأخرجه.. و إن كان بعيدا فقربه.. و إن كان قريبا فيسره.. و إن كان كثيرا فبارك فيه يا أرحم الراحمين.. اللهم صلي على محمد وآل محمد.. واكفني بحلالك عن حرامك.. وبطاعتك عن معصيتك.. وبفضلك عمن سواك يا اله العالمين.. وصلى الله على محمد وآله وصحبه أجمعين"
اللي اعرفه بجامعة الامارات انج اذا يبتي GPA عالي فالسنه التاسيسيه ومعدلج كان فوق ال80 فالثانويه العامه فتقدرين تدرسين هالتخصص..
وان شاءالله البنات بفيدنج اكثر