بشرى بشرى لأمهات طلاب مدرسة النخبة في أم القيوين !!

أخواتي العزيزات أمهات حبايبنا الحلوين في مدرسة النخبة الأمريكية بأم القيوين
أحب أبشركن أني رحت المدرسة أمس و الأمور صارت طيبة و مثل ما كتبت الموضوع الاول فللأمانه لازم أكتب عن الإيجابيات اللي تغيرت بفضل تعاونكم جميعاً
الله يجزيكن الخير
و بقولكن التغيرات اللي شفتها وحدة وحدة و بترتيب :
1- الإدارة :
تم تغيير مديرة المدرسة السابقة و حل محلها الأستاذ سعيد النجار و اللي عرفته أنه أشهر من نار على علم ، و لمست بنفسي التغييرات الجذرية اللي أحدثها في المدرسة ، لأنه قبل اسبوعين كانت !!!!!!!!!!!!!!!

2- الهيئة التدريسية :
شفت بعض المدرسات و الصراحة بعضهم عنده خبرة ممتازة و اللي عرفته أن المدير غير في التشكيلة الأولية للمعلمات اللي كانوا مب لين هناك واللي كانت المديرة السابقة معينتنهم …. بالنسبة لصفوف الكي جي كل صف فيه معلمة للفصل بالإضافة إلى مساعدة فلبينية اللي هي assistance عشان تساعد المعلمة.

3- بالنسبة لعاملات النظافه فكلهم حريم عكس اللي انتشر عند بعض الناس بأنهم رياييل هنود و باكستانيين ، الظلم ظلمات و حرام ، و أنا ما قلت هالكلام و أشهد الله على ذلك !!

4- شفت الممرضة اللي في المدرسة و شكلها حبوبة و حنونه ورح تدير بالها على اليهال!!!

5- لقيت مدرسة الفن قاعدة ترسم على الجدران في غرفة الأنشطة اللي جنب الغرفة اللي يوزعون فيها الثياب !!! وهذا شئ ايجابي جداً و يشجع الطلاب …

6- الخميس القادم بيكون فيه يوم مفتوح للطلبة و أولياء الأمور و المدرسين للتعارف و للإجابة على استفسارات الأهل عن كل شئ و الجدوال الدراسية بتكون جاهزة …

7- المدير كان معترض على عملية التسجيل الغير مقيد بامتحان تحديد مستوى و اللي تسويه كل المدارس الخاصة !! لكنه وعد بأنه بيسوى فصول لتقوية الطلبة اللي عندهم ضعف في المواد و هالشئ ايجابي بعد !!!و حسيته فاهم هو شو قاعد يسوي لكنه شدد على دور الأهل في التعاون البناء مع المدرسة فيما يخدم أبنائنا الطلبة !!!

و أكد على أن كل طالب عنده في المدرسة بمثابة ابن له و بيدير باله عليه !!! يعني تطمنوا لكن تواصلوا !!

هذي الملاحظات الإيجابية اللي شفتها في المدرسة في زيارتي الأخيرة و الله يطمن قلوبنا جميع على عيالنا
بس مثل ما نتحذر من السلبيات لازم نشووووف الإيجابيات من باب الأمانه مع الله و خلقه !!!
لأني بصراحة سمعت إشاعات وايد قوية و ظالمة ويشهد الله أنا ما قلتها و موضوعي اللي كتبته عن المدرسة موجود للي يحب يقراه على هالرابط :

http://forum.uaewomen.net/showthread.php?t=776871

أنا ما قلت الفراشين رياييل و هنود لأن وحدة داقة لي تقول لي هالكلام و هذا تأليف !!!!!!!!!!!

و تذكروا قوله تعالى ( مَا يَلْفِظُ مِن قَوْلٍ إِلا لَدَيْهِ رَقِيبٌ عَتِيدٌ )

يهمنا جميعاً أن المدرسة تكون قوية و ممتازة لأن عيالنا فيها ، و اللي ما يبون يسجلون عيالهم فيها حرام يألفون إشاعات كذابة !!!! الله فوق و شايف و عارف دواخل النفوس !!!!!

يعلم الله فتحت الموضوع للتطوير و التعاون و التحسين و الحمد لله فيه نتائج طيبة و ليس للتشهييييييييييييييير بخلق الله !!!