برايمر لوريال ملحق الجزء الأول أفضل منتجات الماركات

من كم يوم خذت برايمر لوريال أذكر وايد يمدحونه بس لما سرت المحل وجربته على ايدي صدق صدق صدددددددق شي فرق
يعني واحد من البرايمرات القليلة الي تسوي لج كذا شغله بنفس الوقت

التكستجر(ملمسه) مخملي مثل الموس
ينعم البشرة ويفتحها
لا يترك طبقة دهنية ابداااااااااااا اليلد ايتم جااااف وناااااعم وابد مايعطيج اي لمعه عالعكس هو يشيل أي لمعة أو دهون باليلد
يخفي المساااااااااام بشكل راااااائع
الي تروح صوب المكياج وماتجربه خسرانه شوفيه على ايدج بتنصدمين من الفرق الي بيسويه وعلى طول بتاخذينه انا اول ماكنت لهناك مع ماركة لوريال لكن اخر مرة خذت وايد اشياء منهم وااايد وااااااااايد متحسن الكواليتي مالهم ولكن بالمقاااابل رافعين اسعارهم لضعف اسعار الماركات الي في لايف ستايل

هذا شكل البرايمر

وهني وحده أجنبية حاطة ريفيرو عن البرايمر ومصورة ايدها الي فوق فيها برايمر والي تحت من غير
بتلاحظين فرق في لون البشرة اما الملمس والمسامات ما راح يبين من الصور لازم بنفسج اجربينه

الشي الوحيد الي ماحبيته في هو سعره
تقريبا العلبه ب100 درهم وصغيره الصراحة وبسرعه تخلص يعني لما تشيلينه مب مثل الكريم اييج تحسينه كانه موس فلازم تستخدمين كمية منه على ويهج كامل فيادوب مال قولي 20 استخدام وبيخلص عنج بس ما من خسارة
من بين كل البرايمرات الي جربتهم ماشي الا اثنين يخفون المسامات الحين هذا لوريال والثاني من بينفت موجود في موضوعي الجديم

بس حبيت اشاركم رايي في شي يديد عيبني
الي عندها وجربته تعطينا رايها فيه
ودعواتكم تكفيني
^_^

صراحه من زمان كنت أبا اعرف شو فايدة البرايمير وأهميته وانتي ما قصرتي في الموضوعين

المشاركة الأصلية كتبت بواسطة ماما سوافي99

مشكووورة حبيبتي علوه .. وانا وياج في هالبرايمر .. تكلمت عنه من فترة في موضوعي للبرايمرات .. ومن عقب برايمر ميكب فور ايفر و لانكوم .. هو … وحاليا بديت استخدم برايمر استي لودر للبشرة المختلطة .. ممتاز الصراحة وانصح اللي بشرتهم مثلي .. بحطه في موضوع المشتريات باذن الله

ان شاءالله حبيبتي
فعلا حلو

المشاركة الأصلية كتبت بواسطة نادية ال علي

يعطيــج الـف عـافيـه حبيبتـي
احـب مـواضيعـج

لاتقطعينــا علـوه ^_^

ان شاءالله الغالية ^_^
والله يعافيج ومشكورة على الرد الحلو

المشاركة الأصلية كتبت بواسطة وردة ابوظبي

يعطيك ألف عافيه عالموضوع المفيد جداً

صراحه من زمان كنت أبا اعرف شو فايدة البرايمير وأهميته وانتي ما قصرتي في الموضوعين

مشكور وتسلمين على المجهود