السلآم عليكم ورحمة الله وبركآته
كيفكم يالحلوات ؟ ربكم الا بخير
عالعموم بنآت حبيت افتح صفحتي الخاصه
ما بحدد نوع رجيمي لأني ما بعتمد على رجيم خاص
ورجيمي بيكون شويه غير شكل يعني مدته لمدة 4 ايآم ويوم مفتوح ~> بس لوجبه وحده وبعدين اكمل رجيم ثاني
واهم شي اني ما راح استخدم الميزآن نهآئياً حتى للفضوول ~> بقييم نفسي بالمرآيه عسبت ما اتحبط
وطبعن اهم رياضاتي المشي والبطن والخصر
انا طولي ~>156
ووزني قبل~> 74
بعد رجيمي الاول ~>72
ورديت ~>73
وابي اوصل للوزن اللي تشووفه عيني مو مهم الرقم المهم انقص ما بحط هدف ~> لأني بسرعه اتحبط
وطبعن بحط تقريري بالصور وموعدها يكون قبل الرقاد
انا كل يوم بدش عشان خاطر صيغرونه
حاسه فيج والله >> حالي مثل حالج ويمكن اردى
بكمل سنه على زواجي جريب وخلال هالسنه زدت وااايد
المشكله ان نفسيتي مفتوحه للأكل وما اقدر اسوي رجيم يغمضني ولدي
هذربت وااااايد ،،،
يلا بتريا تقريرج ….
وان شاء الله ان شاء الله تصيرين شرات ما تتمنين
بالتوفيق الغلا
انا الحمدلله نقصت وايد من اشتركت مع البنات كان قروب حماسي
(دايت مارس –دايت ابريل -دايت يونيو -دايت يونيو )
كل شهر نفتح ملف يديد
والحمدلله القروب يحمس ويشجع )
والميزان كنت اخليه كل اسبوع
احب اشوف عمري ناقصة اتشجع اكثر
واذا زدت فامسك عمري اكثر
والرياضة وايد مهمة لانها تشد الجسم وترتبه
موفقة
ونظــآمج بيكوون حلوو ومـآفيه ملل .. لأن أربع أيـآم وكسر يووم .. ترتووب الصرآآحه ..
وإن شـآء الله يكوون الحمـآس مووجود في كل يوم .. لين مـآ توصلين هدفج ..
وهالله هالله في عمرج =)
ان شاء توصلين هدفج
تراااه كلنا في الهواااء سواااه >>>>>>>> والله تعبااانين من الرجيم
بس خلاااااف منرتاااح ومنكووون رشيقاااات ومناكل الي نبااه
لا تتضايجين الغالية ..
ان شالله بتقدرين توصلين للهدف او الشكل المطلوب
لا تحاتين ..
وربي يوفقج غلاي .. ^_^ ..
قوي ارادتج
وحنا كلنا معاااج وكل يووم بنشجعج
^_^