أبغي أسأل أنا ولديه إن شاء الله كي جي 1 في مدرسة الإمارات الوطنية فشو الأغراض اللي نشتريله إياها وشو اللي المدرسة يعطونه إياهن؟؟
ولكن جزيل الشكر سلفاً
هل مدرسة ما في حد من اهلنا دخلنها بس اسمع عنها و إن شاء الله البنات يفيدونج
مرحبا الغاليه…..
ان ولدي سجلته في الكي جي 1 بس دخلوه كي جي 2 يقولون لاننه كمل 4سنوات 5 خمس شهور….!!!
عالعموم امس شريت له ملابس الرياضة واخذية للمدرسه من المحل اللي تتعامل المدرسة وياه اسمه 101للخياطة باكمبيوتر موجود في الخالدية بجانب مصرف ابوظبي الاسلامي وبصراحة زحمة عليه لدرجة اني ما حصلت الملابس الرسميه لولدي قالو انه قياسه مخلص وفصلت له قالو بياخذ من 3-4 ايام لين ما يجهز
اما ملابس الرياضة جاهزة عندهم
واكيد الاشيا الثانيه مثل الشنطة الصغيرة للكتب اكيد مب مثل شنطة المدارس وهذي المعلومات اللي اعرفها انشالله اكون فدتج
البنت الذكية أشكر لج مرورج
om hamad مشكوورة فديتج عالمعلومات بس أنا أقصد فرع العين
إذا حد من العين وحاط عياله في هالمدرسة أرجوكم لا تبخلون عليه
شوفي عزيزتي..سيري المدرسه واشتريله من عندهم الملابس.. طبعا ملابس الدوام العاديه وملابس الرياضه
اذا حابه تشترين من عندهم الجواتي بكيفج..بس انا الصراحه ما اشتريها من عندهم لان ولدي يحب الجواتي الملونه.
عندهم بعد الشنطه اذا حابه تاخذينها بس انا ما اشتريها منهم.
بس.
مشكووورات خواتي على المعلومات