السلام عليكم
بنات سمعتوا عن بكتيريا الخيار القاتله اللي منشره في اوربا ها الايام
يعني الحين شو بناكل يوم بنسافر اوربا اذا البكتيريا القاتله في الخضروات وخاصه الخيار والطماط والخس وهاي الاشياء داخله في اغلب الاكل
بصراحه الوضع يخوف نحن بنسير ميونخ ولندن
بنات منو عندها اهل هناك حاليا وشو الوضع هناك بالنسبه للاكل؟
واللي بعدهم ماسافروا ياترا شو بتاكلون؟
ساعدوني ترا موسوسه وخاصه ان اطفال ويانا والمشكله ان حجزنا كل شي
في انتظاركم حبيباتي
حبيبتي هالبكتيريا في الخضراوات النية بس
يعني اذا انطبخت يزول أثرها
انتي اتوكلي على الله وسافري
واتجنبي تشترين خضراوات وفواكه من اللي يبيعون في الشارع
وفي المطاعم لا تطلبون سلطة
هلا حبيبتي أنا حاليا فألمانيااا
ومنتشره سالفه البكتيريااا بس عادي توكلي ع الله فكل شي والبارحه يوم سرت الجمعيه شالين كل الخضروات>_<
يعني هم ارواحهم يخافون يبيعون لناااس. . وماعلييكم خوف ان شالله اذا زادت البكتيريااا لازم فيه تطعيم يعني شكلهم فالبدايه وإن شالله تختفي ^^
الحال من بعضه , حجزنا كل شي والحين خايفين من المرض , الله يحفظنا ويحفظكم ويحفظ كل امة محمد
الله يستر يا اختي
كل يوم شي يديد
مرت خالي في ميونخ تقول ما سمعنا شي عن البكتيريا …
و في السوبر ماركت اغلب الخضروات ماشي …
الحجوزات في ميونخ فل مش محصلين لو في خطوره جان مالقيتواالناس رايحه انا محتاره اريد اسافر وخايفه