خواتي طبعا معظمنا كان بيسافر أو ناوي يسافر كعادته كل سنه
لكن
هل إلي كانوا يسافرون كل سنه ناوين هالسنه مع هالأحداث اليديده
منوه منكن بعدها مصره تسافر رغم انتشار الأمراض الخبيثه
هل الموضوع يستدعي المغامره؟؟
أنا أولكم الغيت سفري ويالسه فالبلاد آمنه مطمئنه
يالله أشوف الباقين
انا بعد الغيت السفر
الزم ما علي صحتي وصحة حبايبي
المشاركة الأصلية كتبت بواسطة موني بوظبي 
الزم ما علي صحتي وصحة حبايبي
أشكرج الغاليه على المرور ويالله نتريا ردود الباقيات
اممممممممم اخواني يبون يسافرون بس طبعا العمره وقالو لن يصيبنا الا ماكتب الله لنا واخوي واحد يبا يسافر تايلند والله يعلم
المشاركة الأصلية كتبت بواسطة دلوعه فزاع ما أدري الغاليه بس مثل ما اسمع أن الوضع خطير وفي انتشار
لن يصيبنا إلا ما كتب الله لنا صح الغاليه
بس الله قال ولا تلقوا بأيديكم للتهلكه
أحس يوم الواحد رايح بنفسه للضرر فهو مسؤول عن إلي بيصيبه
الله يحفظ الجميع
بس اعتقد اللي يبغي يسافر البلدان العربية مافي مشكلة ,,,, ! المرض فايـح في اوروبا و امريكا و هاك الصوب !؟
الحمد اله مب من النوع لي لازم كل سنة سفر
هالسنة بنتحول بيت يديد ومشغولين به