السلام عليكم
بنات أنا يبت خدامه فلبينيه ماكملت شهر
اليوم ريلي يقولي بزيد معاشها 
أنا جي يا ريال ماكملت شهر كيف
بصراحه هي زينه وتكرف
قلتله حرام عليك هي ماكملت حتى فترة التدريب والضمان تقوم تزيدها
شو المشكله فالبيت شي ثلاث خدامات غيرها مال إخوانه وامه وطبعا كل وحده شغلها غير ويزيدون معاشهم على حسب شغلهم
يقولي هي بتشوف كل وحده راتبها زياده وهي اقل منهن بتحد عليج وماعرف شو
قلتله نعم ماكملت شهر ازيدها أنا مب متحسفه على خمسين او أميه
بس اقول انته بتم تزيدها هي بيكبر راسها
وبعدين اذا حد من إخوانك زاد شغالته بتيك امبوزه ومابتشتغل عدل لين تزيدها هايلاك عندهم من كم سنه ومن حقهم زياده لان اللي تطبخ واللي تربي واللي أنا الا رس مالي غرفه وصاله وحمام تزيدها وآخر شي تستبطر علي قلتله أتريا كم شهر ما تهمني الفلوس كثر ان هي بتتغير وبتدلع
للعلم أوديها ويأي كل مكان وما اقصر فيها نهائيا
شو رايكم بنات كيف اقنع ريلي
يقول الناس تمشي بالفلوس احينه
وانا أقوله أتريا
إلشغاله مايدلعونها وايد لان اللي بتضرر المدام ولا هو طاف
شو اسوي احينه
هيه الغاليه اتريي عليها احسن لا ادلعونها من البدايه الافضل تتريين والله لايغيرها عليكم واتم زينه يارب
على شو مستعيلين بروحها عقب فترة بتقولكم زيدوني
موفجه
ههههه
هالرياييل مشكله
قوليله لايزيد
بدال الزياده هذي الاميه او الخمسين
خل مثلاً اذا انكرفت فيوم كراف اليهد
خذولها بطاقه رصيد تكلم اهلها
او اشتري لها لبس طلعه
او اذا معرسه وعندها بيبي خذو لعيالها
يعني عوضو الزياده بالهدايا لان احس الهدايا لها تأثير اكبر عالنفسيه
و بتحبكم
وعقب يوم تبا زياده
قولولها معاشج جذي
لكن لانج زينه بنزيدج
بس لا تقارنين نفسج ب شغالات البيت
يعني جذي
والله يوفقنا
حاولت وياه وهو مصر ويقول انتي تكرهينهم وتحقدين عليهم بالله هذا كلام
أنا لو كارهتنها ما اخليها دقيقه
أنا مابغيها تدلع علينا وتبطر ها كل همي
كفائه أنهن حقودات ويكرهن ربة البيت
فديتج اقنعي ريلج مايزيدها لاتفتحون باب علي نفسكم بعد مدة بتطلب زيادة فوق الزيادة الي عطيتوها ياها وبعدين لو مكمل علي الاقل 6 شهور عدكم بنقول عادي صبروا شوي ويقدر و او انتي اتلمحولها بالكلام لو تمت زينة بتزيدون راتبها قبل السنة جذية بتتحمس وبتشتغل زين