هلا خواتي حبيت اعرف شو الموظه فالملجه المشكه تكون ورد والا مسكه كرستال شو اليديد ووين اسوي باقه في بوظبي للملجه بسعر معقول مب بالالاف بليز هلب
انا ملجتي كانت قبل اسبوعين وسويت مسكة كرستال مع ورد > صاحب المحل قال العرايس كله يسوون جيه الحين
المشاركة الأصلية كتبت بواسطة مليت جرحك 
وين سويتيها اختي اي محل
في خورفكان
للأسف مااعرف محلات في بوظبي
الف مبروك الله يتمم لك علي خير
اماني للزهور بدون منافس
انا ملجتي كانت من شهر وشوي وسويت عنده صاحب المحل اسمه هاني بس فنان يرويج ديزاينات تتنقين
اسعاره وايد اوكي ويراعي وشغله نظيف وحلووووو
لا ويتم يقترح عليج على حسب لون الفستان والوان المكياج عشان ما تطلعين اوفر
حتى انا قالي دقي علىمالت المكياج واساليها شو الوان تناسب لون فستاني عشان يقترح الالوان الموجوده بالباقه
بعدين نصيحه مو لابسه موردي مثلا كل الباقه ورديه والمكياج وردي مافي تداخل للون ثاني
بتطلعين جنج مصبغه من فوق لتحت بلون واحد
حاولي تدخلي الوان ثانيه بس بطريقه متناسقه
وموفقه يا رب
موقعه حذال محل بالونز للبالونات خلف دار الشفا الي كانج رايحه الكورنيش بس من من صوب شارع النجده
ما اعرف اوصف عدل
هو فشارع كله محلات ورود اسمه اماني للزهور
تحياتي وموفقه
الله ايتمم لج على خير اختي
نصيحه مني لج لاتسوين مسكه فالملجه وخلي المسكه فالعرس احلا
انا يوم ملجتي ظهرت بدون مسكه
وبنت خالي ظهرت يوم ملجتها بمسكه ويوم عرسها شفنا الفرق بين المسكتين
واذا حابه شي محل في دبي نسيت اسمه بس هو مجابل ميركاتو عنده مسكات حلوه
وموفجه خير الغاليه