مرحبا خواتي شخباركم
انا عندي مشكله وأتمنى اللي عندها اي معلومه تفيدني
انا حامل والحين في الشهر الخامس وجنيني اكتشفوا انه عنده انسداد كامل في مجرى البول يعني ما يطلع السوائل من جسمه أبدا وصار عنده تضخم في المثانة والحالب والكلى
انا أراجع في الكرنيش قسم رعاية الأجنة وقالولي ماله علاج واحتمال انه يتوفى الجنين وأنا وايد خايفه عليه وبعد قالوا في حل واحد اللي هو بيسووله عمليه وهو ف بطني بيزرعون تيوب في مثانته عشان يسرب البول وتشتغل الكلى عنده بس العمليه فيها أضرار وأنا خايفه ومتردده اسويها
ممكن اللي تعرف استشارية طب أجنة في بوظبي والا دبي تخبرني جزاكن الله خير
حبيبتي ما تشووفين شر
اقري ع نفسج و استغفري وايد و تصدقي و الله يرفع عنج هالبلاء يارب
و روحي عند دكاترة ثانيين عشان تتطمنين اكثر …
يتني صيحه والله بس مابيدنا غير الدعاء له فديته وانتي تصدقي وستغفري 1000 مره باليوم وثقي بالله وبالاخير كل شي مكتوب وقتنعي انه لو خير لو الله كاتب بيكمل وبيتم لو حتى مافي علاج تصبري وقولي حسبي الله ونعم الوكيل وقل لم يصيبنا الا ماكتب الله لنا
ولا تنسين مايرد القضاء غير الدعاء
وامنتج تطمنينا عليج
الله يعينج اختي ويصبرج وما عليج غير الدعاء وان شاء الله الله يخفف عنج يارب
لا حول ولاقوه بالله اختي عليج بقيام الليل ورب العالمين كإيراد عبده في الدعاء
اسأل الله العظيم رب العرش العظيم ان يشفيه ويطمئن قلبج عليه ان شاء الله
وربي يتمم حملج ع خير ان شاء الله
سبحان الله .. كيف عمليه واهوو في بطنج .. شوفي لج بعد استشاري اجنة وصلي استخارة .. وكثري استغفار وصدقات ..والله بيكتب لج ان شالله اللي فيه الخير
فديتكن خواتي مشكورات الغاليات
ما تجوفن مكروه في غالي
ويحفظكن ويحفظ عيالكن يارب