انا . هيه انا راعية القصة هذي وما فيني حيل اشيل بقلبي

http://forum.uaewomen.net/showthread.php?t=202894

انا ………… هيه انا راعية القصة هذي وما فيني حيل اشيل بقلبي اكثر تعبت تعبت تعبت
قريت ردودكم وبارك الله فيكم كلكم على نصايحكم ودعاكم لي .. مرت شهور على كتابة موضوعي خضعت له بكل شي إلا بما لا يرضي الله .. صارت بينا مشاكل وايدة بخصوص اني اقنعه ادرس في المعهد على الاقل لشهادة icdl صرت مثل الدريولية لها عسب يوافق على اني ادرس .. وديها ييبيها .. وانا حاضر ولا يهمك لكن بعض الاحيان كانت اطفر فيني باسلوبها لانها تعرف اني اذا ما وديتها مشوارها راح تسوي لي مشكلة وما يخليني اسير اكمل دروسي .. كانت تتبع اسلوب غريب بالمسكنة عنده اذا رفضت اسوي لها شي .. صبرت كثيييييييير وماني قادرة اصبر اكثر .. هاليومين سوت لي مشكلة وياه خلاه يمنعني من الروحه للمعهد رغم انه باقي لي امتحان واحد واخلص وقالي تحترمينها غصب عنج والي مب عايبنه يطلع برا والله قالي هالكلام ومقهووورة على نفسي انه ماكو احد ألجأ له .. مادري شسوي تعبت ابا اتطلللللللللق خلاااااااص ماني قادرة اكمل تعبت والله تعبت .. مشكلتي الوحيدة ما عندي مكان اسير له
لا اهل ولا عيال ولا شيييييييي وربي احس نفسي ضاااايعة تااااايهة مسدودة كل الطرق بويهي
مجبورة اقعد معاه لانه ما لي مكان غير عنده .. اتصلت باكثر عن محامي اسألهم بخصوص السكن .. قالولي للاسف ما عندج عيال منه اذن مالج سكن !!!!! زين وشووووووووووو الحل ؟؟؟؟ خلاص ؟؟ لهنيه وتوقفت الدنيا ؟؟ … حتى ابوي اباه ايي عندي يخلصني من هالعيشة .. قالي انا بيي لكن المشكلة كيف افتح موضوع الطلاق وانا في بيته ؟؟ قلت له ماعندي حل غير هالشي على الاقل يطلقني منه و بموافقة ابوي اقدر اشتغل … لكن المشكلة بالسكككككن

بنات اسألكم بالله الي تعرف مكان وتقدر تأجره لي لمدة شهرين ب5 الف درهم على الاقل لين اجراءات الطلاق وألاقي لي شغل يزاها الله الف خير .. لانه فعلا مافي حل عندي غير اني ادبر سكن اقعد فيه انا وابوي منعاً لاحراج ابوي.. والله لا يهين عزيز

منتظرة ردودكم وانا على نار وما يحس بالنار إلا الي ذايقها
والله لا يوريكم الي شفته ويسعدكم بحياتكم ويوفقكم ان شاءالله

اصبري وادعي ربج ..