انا فالاسبوع 25 والبيبي 23 اسبووووع شووواسوي

السـلام عليكم

حبيبتي لا تصيحين….وايد مهم اتكون نفسيتج اوكي عشان البيبي ينمو بشكل جيد
تراه يتأثر بكل شي مثل الانسان العادي…ولما انتي تحزنين هو يتأثر
اتخيلي انسان حزين ومهموم..كيف بيكون شكله؟؟…مصفر وحالته لله

بعدين عشان يزيد عندج الماي ..أشربي ماي واااايد
وعشان يزيد وزنه اتغذي عدل …كلي خضره وفواكه..على قولتهم كلي 6 وجبات في اليوم
أعتقد مره حد قالي ان التمر يفيد البيبي وايد ويخليه يكبر

الغاليه نحن من نحمل نركز تفكيرنا على البيبي اللي ينمو بداخلنا لالا تحطيين كلامها في بالج ولا تخلين الكلاام يأثر على نفسيتج وتووووووووكلي الله اللي وحده العارف اختيه شووووووووفي عليج بشرب الحليب الطبيعي والبيض والعسسل والتممر واكل الخضرواات والفواكه والعصاير لو انج شبعاانه اكلي لانه البيبي معاج ويحتااج تغذيه خليهم باليوم ع الاقل ست وجبات والله يتمم لنا على خيريعني انتي الحينه بنهايه السادس مثلي تعرفيين لما سالت الدكتورره عن وزن البيبي قالت لي نحن نحاسب عن وزن البيبي من الثامن بس بعدج تغذذذذذذذذذذذذذذذذي اتمنى اكوون افدتج الغاليه

الغاليه مش دايم كلام الدكاتره صح راجعي دكتوره غيرها لانهن مرات اجهزتهن خربانه……..صارت معاي وطلع كلامها خرطي….

انا الي اعرفه شي طبيعي اذا كان البيبي 23 وانتي 25 لانه سلمج الله الدكاترة يحسبون الحمل من آخر دورة و حجم البيبي…من عقب اسبوعين …في موقع انجليزي اتابع حملي فيه فشوفي شو يكتبلي كل ما ادش اسبوع ايديد …You are at week 27 of gestation — 29 weeks since your last menstrual period (LMP).
فلو تلاحظين في فرق اسبوعين بس الدكاترة عدنا منه خبايل…و ما ايعرفون شي وانا يو سألت دكتورتي تقولي الفرق ايكون اسبوع ولا اسبوعين ها طبيعي …لانه تقولي الياهل ما يتكون الا عقب اسبوعين من الدورة ..اتمنى انج فهمتي علي

بس هي خوفتني ..
قالتلي اذا هو تراجع في الاسابيع وانا كملت عادي بيكون مب زين له ويمكن ينزلونه لــي بــس من الصدمه ماحاولت اتناقش وياها يعني كيف بينزلونه

حبيبتي عليج بالحليب ويا الحلبه ترا وايد زين يكبر الياهل في البطن..وتوكلي على الله