مرحبا الغاليه
انا اسويها والكل يمدحني لوووووول
المهم اولا عن طريقه الخبز ايبي خبز لبناني صغير او كبير عادي وقصي بالمقص مربعات وبعدين اقلي في الزيت وخليه على جنب اوكي هاي الطريقه عشان يكون الشكل مرتب
وبعدين فوري دجاج بدون عظم مع شويه ملح وفتتيه وخليه على جنب (خلي ماي الدجاج بمقدار ربع كوب)
واقلي بطاط بالطول او مربعات مثل ما تحبين ونفس الشئ باذنجان
واخلطي روب وطحينيه وثوم مدقوق وفلفل اسود وشويه ملح
الحين الطريقه :
تصففين في الفايركس اولا البطاط وبعدين الباذنجان وشويه الخبز المقلي وبعدين رشي شويه سماق اذا حبيتي وبعدين ضيفي الدجاج والحمص والخبز المقلي واخر شئ صبي ماي الدجاج عشان ما تطلع ناشفه عندج اذا انتي كنتي ناويه اخلينه الفرن اما اذا لا فأستغني عن الماي اوكي وبعدين صبي خلطه الروب كامل الوجه وبعدين زيني بالخبز المقلي في الوسط ورشه من المساق للتزيين
وبالعافيه
قصيه بالمقص مال الاكل ولا السجينه مربعات وعقب اقليه حبوبة
ولو تحمصينه احسن لنه بالقلي وايد يشرب زيت والسموحة
بس اهم شي تقصينه قبل ماتقلينه ولاتحمصينة
وموفقة وبالعافية
وايد اتخبل عليها
هذي صور لي بموضوع ريوقنا وغذانا وعشانا
اول شي المقادير
2 باذنجان مقطع مكعبات
2 بطاط مقطع مكعبات
عصير 1 طماطم وياه فص ثوم صغيروني اذا تبين اكثر ثوم ممكن تزيدين وبعد تحطين وياه نص حبه ماجي هذا كله بالخلاط (طماط ,,, ثوم ,,, ماجي)
خبز مقطع مربعات يفضل ماتفتحين خبزه قطعيها وهو مصكر يكون احلى
2 روب مخلوط وياه طحينيه جاهزه تقريبا ملعقتين مليانات وياه عصير نص ليمونه —-> شوفي انتي تقدرين تتحكمين بهالخلطه اطعميه شوفي كيف بيطلع طعمه مهم نفس طعم صوص مال سندويشات المطاعم
نعناع مقطع صغار او بقدونس ع راحتج
لو تبين بعد صنوبر لزينه
اول شي نقلي ببطاط ونخلص نحطه بورق زيت
عقب نقلي باذنجان ونخلص نحطه بورق زيت
عقب الخبز ونخلص نحطه بورق زيت
اذا بتسوين صنوبر قليه بعد بس شوي لان بسرعه بيحمر
الحين تيبين صحن التقديم
تحطين طبقه بطاط صبي صووص الطماط عقب باذنجان صبي صوص لين تخلصين من بطاط و باذنجان
اخر شي صبي صوص الطحينه
و عليه الخبز و الصنوبر
وفوقهم النعناع او البقدونس
وااااااااااايد احب الفته..