سلام عليكن
شحالكن عساكن بخير
والله بنات انا وحدة تحب الجمال زود
و بخاطري اكون حلوة موت
تصدقن كل ماشوف وحدة حلوة واااااااايد واقول ف انفسي يالتني اناااااااا وبصراحة نفسيتي تعبت . . .
سااااااااااعدوني شو اسوي
وجزاكم الله خيرا
مرحبا أختي…الجمال شي حلو ..منوه منا ما يحب الجمال…عالعموم الله يعينج دامج يوم تشوفين وحده حلوه تتعبين نفسيا…بس تدرين لازم تحطين في بالج أن الله سبحانه و تعالى وزع الجمال على كل البشر و انت وحده منهم::اتوقعج جميله برع و داخل… و دري عنج هالواساوس و خلي ايمانج بالله قوي…
السلام عليكم ^_^
حبيبتي هالشي طبيعي و غريزي في كل إنسان و إن الله جميل يحب الجمال ، بس فديتج شو فايدة الجمال الخارجي اذا الجمال الداخلي معدوم ؟؟!! انا اشوف انه كل انسان منا الله عاطنه قدر من الجمال و لازم يتكيف و يتقبل شكله و اذا مثلا جمالج في عيونج حاولي تبرزين عيونج و اذا في اممممممممممممممم مثلا ابتسامتج حاولي انج تبتسمين وايد ( مب وايد وايد عن يقولون بعد دعاية سجنال ) و بس ^_^
هيه صح اتذكرت شي
انا الحمد لله الله عطاني الجمال ( جمال الويهه ) بس داااااااااااااايما اتذمر من طولي و كل ما شفت وحده طويله اقول ااااااااااااااخ بس لو اشويه بس اشويه اطول ، بس ارد و اقول مثل ما قالت الاخت اللي فوق الحمد لله على حال انا عندي ريول و غيري متشلل
و الواحد ما عليه الا يقول اللهم لك الحمد
أولا….الواحد يحمد عمره على نعمة الصحه و الحياة
و الاهم من ها كله نعمة الاسلام.
مافي بنت مب حلوه كل وحده فيها شي يميزها عن غيرها (^_^)
الاهم تبحثين عن مواطن الجمال فيج و تبرزينه فيما شرع الله.
خلج جميلة في الداخل بينعكس عليج في الخارج.
و انسي المقارنات مع البنات لانه هذا من الشيطان يبا يزرع فيج حقد و حسد و نوايا مب زينه. اهم شي تصفين قلبج و خليج حلوه في الداخل و كل حد بيشوفج جميله.
يا ما بنات جميلات بس قلوبهن سودا (مب كلهن طبعا) الشكل الخارجي مب مقياس للشخص ابد.
و الحمدلله على النعمه
انا بقولج الغلا .. مرة جفت وحدة يديدة يت ويانا عسب تدرس و سبحانك ربي جمالها راااااائع و هي متحجة و متنقبة ..و خاطري اني اتعرف عليها و اجوف صاحية هالجمال كيف تكون ؟
و الل من ثاني يوم كرهت كل ما فيها .. شخصيتها تافهة و سخيفة و ما تعرف الاحترام للكبير ولا الصغير … و اترمس كل حد باسلوب بااايخ حتى نكاتها اتكون تعليق على حد …
اهني عرفت قيمة الجمال !!1
لا تحاتين الغالية … انتي جميلة .. و انتي بعدج ما عرفتي نفسج !
زي ما قالوا الخوات 
اهم شي جمال الروح يا الغنــــا
والحمدلله على كل حال