مرحبااا خواتي اشحالكم ؟؟
الصراحه ماعرفت وين اسدح الموضووع جان انزله هني 
اممممممم انا عندي امتحان سيبا يوم الاثنين >>> سيبا انجليزي فالكليه
انا كنت موقفه دراستي فالكليه والحين برد اكمل ان شاء الله
بس بغيت اعرف للي عندهم خبره
الامتحان كيف يكوون ؟؟
يكوون كله كتابه وجي ولا بس دوايير اختياري يعني اللي فيه خيارات a-b-c-d
؟؟؟؟
بليز خواتي اللي اتعرف لاتبخل علي واتفيدني
لان مخي قفل من المذاكره والمشكله مسويين نسبة النجاح من 150 وفووق وقبل من 140
والسمووحه منكم
بتيبينها اختي بسهوله ان شاء الله … اللي احيده انه كله اختيارات وكاتبة موضوع
الله يسمع منج حبيبتي مشكووورة على ردج اللي يطيب الخاااطر
بيكون كله اختيارري .. و كتابه موضوع .. على ماذكر يعني ..
و سهلل وااايد ..
و ينقل للقسم المناسب
بصراحه ما اذكر كيف كان الامتحان بس إلي اعرفه انه سهل جداً ولازم تحلين عدل وبتركيز عشان اتيبين فوق الـ 150
مشكوووراااات خواااتي
ماقصرتوا
ودعواااتكم.
CEPA
الامتحان العام لقياس الكفاءة التربوية (CEPA )
للكلمات والقواعد والقراءة والكتابه
الجزء الاول : قواعد ومعاني الكلمات ( 85 سؤال )
ضعي دائرة على الإجابة الصحيحة
المدة: 45 دقيقة
الجزء الثاني : القراءة ( 4 نصوص )
ضعي دائرة على الإجابة الصحيحة
المدة: 45 دقيقة
الجزء الثالث : الكتابه (موضوع واحد )
الكلمات من 150 – 200 كلمة
المدة: 30 دقيقة