النفاس ..فترة صعبة ..أنا هذا أول حمل لي ..
ما أعرف شو تسون علشان أولا : تطيح الخيوط…
ثانيا: نشد الكرش المترهل …
شو الوصفات …؟؟ إذا في وحده منكن استخدمت المشد الأندونيسي شو رايها فيه ؟ وإللي أستخدمت الغتـــرة ( الشماغ) يعني ربطته على كرشته شو ساعدها ؟؟
أنا قريت في المنتديات إنه في حد من الحريم يستخدمن فيكس + عشبه ( ما أدري شو أسمها ) ويفركنه على بطونهن ..ويحطن المشد..
كل وحده تقول تجربتها علشان الكــل يستفيد…
انا انصحك لاتستخدمين شي لان المنطقة ظهر تكون لينة جدا وعشان الرحم يرجع مثل مكان فوري زنجبيل مع ماء وبعدين حطيه في كوب وحطي عليه عسل مجرب جدا وينزل الوسخ وحافظي على اكلج ولاتأكلين اي شي دسم وجبات خفيفة بين كل فترة ورضعي انا بعد الاربعيين رجعت مثل ما انا وكل استغرب
نسيت اقول الخيوط تطيح من نفسها
اول شي ليش النفاس فتره عصيبه ؟
بالعكس تعتبر الفرج بعد هموم الحمل والولاده
وفرحه بجوفتج البيبي 
ثانيا الخيوط لو اعتنيتي فيهم ما بيسببون لج مشكله
تعقيم ,( تغتسلين شطف بماء دافي وملح بحر بعد كل حمام بول وغيره اكرمج الله )
تنشيف ( اتنشفين المنطقه عدل بالكلينكس )
ترطيب ( رطبي الخيوط والمنطقه بزيت زيتون اصلي )
وخلي هالخطوات دوم طول الاربعين
وبطيح الخيوط ولا بتحسين فيهم
ان شاء الله
ثالثا الكرشه
طولي بالج عليها وايد
يبالها صبر طويل !!
في الاربعين بس اترومين اتشدينها بشيله طويله
او اى مشد بس شليه وقت النوم
وعقب الاربعين اترومين تلبسين شورت
ويبا وقت ليما اترد الكرشه
حياج الله
أهم شي فالنفاس أكلج لا تاكلين الاشياء اللي فيها لزوجه ولاتشربين الغازات والاشياء البارده لانها تضر الرحم الاكل مثل الملوخيه الباميه البطيخ والشمام ابتعدي عن الاكل المالح والليمون والمقالي والمخللات خلي اغلب اكلج يامشوي او مفور لاتشربين عصير الليمون والبرتقال والبيبسي وربعه اشربي اعشاب وخلطات دافيه "زنجبيل – قرفه – حلبه- حبة الحمرا – حليب بالزنجبيل أو تسوينهم
خلطه "زنجبيل – قرفه – حبة الحمراء- حلبه – فلفل اسود – كمون- ينسون " تخلطينهم كلهم بنفس المقدار وتحطينهم في علبه وتفورين ماي وتاخذين ملعقه من الخلطه في كاس وتصبين عليها ماي حار وتغطينه خمس دقايق اهم شي علشان ماتطير فايدته مرتين او ثلاث في اليوم او تسوينه فدله وتشربين منها واااااااااااااااااايد زينه وتنظف الرحم
نمبر تووووو
الخيوط فيه كريم تاخذينه من الصيدليه يرطب ويعقم المنطقه وخذي لج طش ومره يلسي في ماي وملح يوميا أو فوري قرط أو تدخني بقشور الرمان او ورق الحرمل فيه حريم يدخنن بقشور البصل تسحب الماي وتنظف الرحم ودايما خلي المنطقه ناشفه اعرف وحده تقول كانت تنشفها بهواء السشوار البارد بس صراحه انا ماجربت
نمبر ثرييييي
الكرش وما أدراك ما الكرشه أربطي بطنج بشيله مال البيت اربطي هنتين مع بعض علشان تستوي طويله وخلي حد يساعدج في لفها علي جسمج وتمي طول اليوم لاتفجينها الا حزة النوم
انا مربية بعملية و ما اعرف كيف اتخلص من الكرشة؟
الله يخلي خواتنا كفن ووفن.