السلام عليكم
شخباركم خواتي
بغيت اسالكم المتزوجات اللي يالسات في بيت اهل رياييلهن كيف تغسل قمصان النوم ووين تعلقونهن وشو المساحيق اللي تستخدمونهن في الغسيل
اتمنى ما تهملون موضوعي وتردون عليه
ويزاكم الله الف خير
مرحبا بج اختي
اول شي دامج في بيت اهل ريلج اشتري لج غساله صغيره
وحطيها بحمامج كرمج الله
جي بتأخذين راحتج اكثر
وعني انا اغسللهم بماي وكمفورت احس مايحتاجون وصابون
لانهم خفاف وناعمات
وبعدين الغاليه على حسب نوع القميص شوفي العلامه من داخل
بعض القمصان يحتاجون تغسلينهم بايدج بعضهم عادي بالغساله..
وتقدرين تعلقينهم بالحمام
في شرات العلاقات بهوم سنتر للملابس الداخليه يوم تغسلينها
وربي يسعدج ويوفقج بحياتج
احسه لعواز العيشة في بيت اهل الزوج ومالها خصوصية
تدري تقدرين اتجمعين ملابس النوم حقش وتروحين بيت اهلج كل اسبوع وتغسلينهم اهناك على الاقل ماحد راح يشوفهم غير امش وخواتش هذا اذا حاولو يشوفونهم
انا اوافق كلام الاخت ضوى القلب..خذي غسالة صغيره وعلاقة ملابس خفيفة تتسكر بعد ما تستخدمينها وفعلا في في هوم سنتر وحتى كارفور او اي سوبر ما ركت كبير..وفي صابو يكون للاقمشة الخفيفة ريحته وايد حلوة..غسليهن في الوقت اللي يكون ريلج مب عندج وهن حتى ما ياخذن وقت ينشفن بسرعه لانهن خفاف..ربي يستر عليج ان شا الله
إن شاء الله يفيدونج لأني ساكنة بروحي <—- نحمدو 
مشكورات خواتي على المرور
بس للاسف حمامي صغير وايد وما يتسع حق غساله ولا حتى ان احط اللي ينشرون عليه الملابس والله حاله شو اسوي
وبالنسبه لمسحوق الغسيل للملابس الخفيفه شو اسمه
انا ساكنه عند اهل ريلي
وعندي غساله اتوماتيك في حمامي بس إذا ماترومين
مكشي غير حل واحد انج تغسلينهم على ايدج وهذا اللي أنا أسويه رغم وجود الغساله لأنهم خفاف مايتحملون
واستخدم الشامبوا العادي وعلقيه في الحمام عادي حطيلهم علاقة ملابس عاديه وعلقيهم على أي صمام.