السلام عليكم
خواتي ابي اعرف طريقة عمل التمر بالماي لاني ابي اعطيه حق بنتي وهي عمرها 3شهور و15 يوم اتمنى من الي تعرف لاتبخل علينا وتقولي كيف الطريقه بالضبط شاكره لكم
بعد حبيت اسال سؤال ثاني………………..
اذا بعطيعا عصير تفاح فريش كيف اسويه يعني اغلي التفاحه على النار ويه قشرها وعقب اخففه بالماي
يعني لوعطيتها بالمرضعه لرقم جم احط عصير التفاح وجم نسبة الماي الي ازيدها عقب بليييييييييييييز ساعدوني انا اول بيبي عندي وماعندي خبره بالسوالف
يوميا خذي ثلاث تمرات اعجينيهم وحطي في كاسه وخذي كاسه ماي فوري الين مايغلي اطفيه حطي عالتمر وغطيه لمده ساعتين وتمي كل بعد نص ساعه اهرسي التمره بالشوكه وبعدين اشخليه وحطيله فالمرضعه واااااااااااااااااااااااااااااايد مفيد ويسمن ويحمر الخدود بعد ماشاء الله
اما بالنسبه لعصير التفاح قشري التفاح وحطي شويه ماي واخلطيه بالخلاط ليش اتفورينه انت تبين عصير فريش ولا عصيده تفاح ترى اختي اذا فورتيه بتسوي عصيده
الغاليه بعطيج طريقتي
اخذ تمره واعصدها بايدي وعقب احطها في كوب او مله صغيره واصب عليها شويه مااي وارد اعصدها في المااي لين يتغير لونه عقب اشخلها في المرضعه واضيف ماي داافي اشوي
هالطريقه سريعه وما بتاخذ منج وقت
مشكورين خواتي وجزاكم الله الف خير
اذا التمر يابس نقعيه في ماي حار شوي وبعدين اشخليه وعطيها شوي مب وايد لانها صغيره و التفاح ماعرف اذا بهالعمر يعطون اليهال من الرابع ممكن اسالي اختي
أنا احط ماي زمزم مع تمرتين او ثلاث واهرس التمر بالشوكه
واشخله واحطه في مرضعه صغير مال ستين ملي
واتم اسقيه منها طول اليوم