مرحبا خواتي هاي اول مره ادخل عيالي حضانه مشكله لازم وجبه ريوق ووجبه غدى الريوق سهل المشكله فالغدا متا اطبخ من الصبح صعب مالحق 7 يروحون حضانتهم شو تحطون للغدا لعيالكم هل احط لهم من عشا فليل فالثلاجه والصبح اطلعه لهم واخاف يخترب كم ساعه بيتم بيبرد ماعرف احترت عطوني افكار اكل لان بيضعفون اذا الصبح خبز والغدا خبز متعودين عيش
احيد في الحضانة كان عندهم مايكرويف حطي لهم فطاير الأكثر جيه أو مكرونة أشكال مسلوق سادة مع قطعة دياي كانوا اليهال يحبونه في االحضانة كل يوم حطي شكل الطفل يتحمس ممكن علبة فيها الزيتون المقطع حلوو وعندج الروب وحطي عيش أبيض سادة مايخترب ..
طلبي من الحضانة يوفرون هالشي وعطيهم فلوس زيادة لو طبختي الا ما بيخرب الاكل او بيمل او اشتري ثلاجه صغيرة بوكس وحطي الاكل فيه عادي يتم الاكل يوم كامل ما يخرب بس جيه يبالج تطبخين قبلها بيوم ومن يبرد تحطيه في الثلاجه وهناك يسخنون له مع اني مستحيل اسوي هالطريقه بقعد احاتي اذا الاكل اخترب او تم يوعان
عندي وحده شرات هذي شريتها من ايكيا وأكياس ثلج جاهزه اذا سرت حديقة او طريق حطيت لهم اكل في هذا البوكس ويتم فرش لساعات خاصه الفواكه
انا بعد ولدي يبون منه وجبتين ومحتارة
الله يعين وانا بعد افكر فيه وبعدني مادخلته
سويله مكرونه فوريها فليل ماتخرب فاللاجه ولا العيش الابيض بس الصبح حطيلهم وياه تكه مشويه مثلا الاشياء الجاهزه من الجمعيه خل الشغاله تزهبلج اياه واحيانا خلي الغدا برجر مثلا الشغاله خل تشويه بدون خضرا بس جبن وكتشب وميونيز وطبعا هناك يحطونه فالثلاجه عقب يحرونه حقهم .. نوعي يعني مب شرط كل يوم الغدا عيش