السلام عليكم ورحمة الله وبركاته
خواتي مثل ما قلت في العنوان
اللي عيالهم في غليلغ و معتمدين على الباص في الروحه والرده حبيت ألفت نظركم أن الخطة المبدئية اللي إدارة المدرسة حاطتنها هي:
باص وااااااحد فقط يمر على اليهال اللي في منطقة الريف والشهامة الجديدة والشهامة القديمة والباهية وباهية البحر والشليلة وما أذكر وين بعد
أول ياهل يشلونه من جدام بيته الساعة 6 الصبح ويوصل المدرسة الساعة 8
وكل هذا ليش؟؟؟؟… عشان يوفرون فلوس وما يخصصون باص ثاني
أنا اليوم كلمت مسؤول الباصات وقلتله يحترمون نفسهم ويوزعون المناطق على باصين على الأقل
مثلا الريف والشهامة القديمة واليديدة مع بعض والباقي مع بعض
ويبتدون يشلون اليهال من الساعة 6 ونص كحد أقصى
نحن دافعين فلوس عشان يوفورن مواصلات محترمة مب بها الطريقة
وحسيت انه في أمل يغيرون فكرتهم اذا الناس اشتكت
عشان جيه لااااااااازم كلنا نعترض ونهدد اننا راح نسحب من تسجيل الباص اذا ما قسموا المناطق <<< مجرد تهديد مب صج خخخخ
أتمنى الامهات اللي عندهم يهال هناك يشوفون موضوعي و يتواصلون مع مسؤول الباصات في المدرسة
مرحبا اختي انا اعاني مثلج من الباصات ومصخرتهم هذه مب يديد عليهم ملعوزينا من السنه ايلي طافت اول شي الباصات مافيها مشرفات وامس بهدلوا اليهال لين الساعه 4 الباصات ماتحركت والسنه ايلي طافت كانوا يخلون الكي جي يتريون لين 2ونص عشان مايوفرون باص بسالج علي كل ايلي استوا اليوم حد راح اشتكي عليهك في الوزارة او حد كبر الموضوع للمديره مدرسة البنات لانها هيه المسوله لانه باولا اعتقد شفتيها اليوم ماسوت ولا بتسويوبيسكتوكم في الكلام وتاخير العيال وهم يجبرونج غضبا عنج لانج محتاجه بس بشوفين عيالج كيف بيردون هالكانين وانا بكنسلهم من الباص وبطلعهم اذا لقيت تسجيل
المدرسه أستوت فوضي ماشي ترتيب مثل السنه الي طافت
المشاركة الأصلية كتبت بواسطة فرفوشه 
وهذا اللي ناويين عليه وعشان جيه انا حطيت الموضوع في المنتدى
لازم كل الاهالي يشتكون
اذا انا بس اللي اعترضت ما راح يسون لي سالفه
انا كلمت كوسيت وقالت لي كلمي حسام مسئول الباصات
ومثل ما قلت لج اذا ما سوا شي بشتكي عند المديرة وعند الوزارة
ليش اتطلعين اعيالج وتتبهدلين في تسجيل ثاني
وليش يجبروني يا أما يسون الباص مثل العالم والناس ولا بكنسل الباص وهم الخسرانين <<< وتراهم مايبون الخسارة
المبلغ اللي ندفعه على الباص مب شويه…وما بدفع عشان تخلون عيالي يتنقعون ساعة كاملة لحد 2 ونص عشان هم يوفورن كم درهم
اتلاقينهم شافوا الأهالي ساكتين قالوا خلاص ليش نخسر نفسنا
لكن اذا الناس احتجت غصبا عنهم هم بيوفورن باصات زيادة
كلمي حسام ….خليه يحس ان كل الاهالي معترضين
هدديه انج راح تشتكين على المدرسة واتطلعين عيالج منها
واذا تعرفين ناس ثانين خليهم بعد يتحركون ويتكلمون واذا ما نفع كلنا نروح نشتكي في الوزارة
لأن اذا اشتكينا في الوزارة على طول راح يقولون لنا انتوا تفاهمتوا مع إدارة المدرسة ولا لأ
للرفع
انا بردو عندى مشكله فى الباص بتاع اولادىبس فى مدرسه تانيه