مرحبا خواتي،،
اللي راتبها أكثر عن راتب زوجها،،
يعني ضعف راتبه مثلاً،،،
أو حتى اللي تشتغل وتداوم،،،
كيف مرتبين أموركم المادية،،،
تدفعين معاه أقساط الايجار،،؟؟
تساهمين في أغراض البيت،،؟؟
تساهمين في مصاريف السفر،،؟؟
هل زوجج يعرف كل كبيرة وصغيرة ع راتبج وين يروح وكيف تصرفينه،،،؟؟؟
أنا ما نزلت هالموضوع عشان الفضول،،،
لا ،،،لا،،، لا،،،،
أبا البنات اللي توهن متزوجات يتعلمن منكن،،،
عشان ما يطيحون في نفس الغلطات،،،
يعني عادي تصرف من راتبها ع البيت،،،
وشو بالنسبة لموضوع القوامة،، الرجال قوامون ع النساء ،، والصرف ع البيت نوع من أنواع القوامه،،،
ومنكن نستفيد،،،
انا ماا اشتغل ان شاء الله الخوات الي يشتغلن يفيدنج …^^
اللَّهُمَّ فَارِجَ الْهَمِّ ، كَاشِفَ الْغَمِّ ، مُجِيبَ دَعْوَةِ المُضطَرِّينَ ، رَحْمنَ الدُّنْيَا وَالآخِرَةِ وَرَحِيمَهُمَا أَنْتَ تَرْحَمُني فَارْحَمْنِي بِرَحْمَةٍ تُغْنِيني بِهَا عَنْ رَحْمَةِ مَنْ سِوَاكَ.
………
ماعندي خبرة ،،
عادي تصرف بس بحدود..
لازم يعني تخلي الريال اهو اللي يحس بالمسؤوليه اكثر..
لان الريال لو عودتيه انج انتي اللي تصرفين بعدين صعب تخليه اهو اللي يصرف .. وبيلعب ببيزاته..
يعني الحرمه وذكاءها..
والله نصيحه من اللي شفته الريال بيتعود يعني اكيد اكيد اصرفي بس بحدود المعقول .. وخلي الصرف على ريلج بعد مب انتي بس
يعني مثلا انتي 45% واو 55%
او مثلا النص بالنص..
بس لا تصرفين انتي اكثر منه وحسسيه انه مهما عندج فلوس اهو للحين مسؤول
بس هذا ما يمنع انج توفرين فلوسج.. وتخليها لليوم الاسود لج ولريلج..
والسموحه
ربي يوفقج اختي 
مشكورة اختي
لا حول ولا قوة إلا بالله