خواتي انا من جريب خذيت الليسن واليوم كنت طالعة مع ريلي في الخط السريع وفجاة اشوف شاحنة من لكباااار بتدخل من فرعي للشارع اللي انا فيه
هنا انا فكرت انه راح تدخل في خطي لاني ما انتبهت انه في خط خاص فيها بتمره الاول
المهم ارتبكت وخففففففففت وما احس بنفسي الا وانا رايحة للسيد اليسار بدون اشااارة وما شفت انه وراي سيارات في اليسار
الله نجااني من حادث فضيييع والحمد لله الريال اللي في السايد اليسار ضرب برييييك والا كان نفدنا كلنا
اللهم لك الحمد الصبح قريت سورة الكهف والاذكار وقبل ما اطلع قريت دعاء ركوب السيارة
سؤال
لما خذيتو الليسن وين سرتو واي وقت تطلعون ؟؟يعني في الزحمة ولا لا؟؟ومنو بيكون وياكم ؟؟
اتريا ردودكن ونصايحكن خواتي والله يحفضكم ويحفضنا من الحوادث
الحمد الله الغاالية الله سلمج
الغالية انا ماخذة الليسن من زمان…فديتها امايه اصرت اني اخذ الليسن وانا عمري 18 
بخبرج عن تجربتي
اول ما خذت الليسن كنت اظهر مع حد من اهلي وانا اسوق بس الصراحة اكون مرتبكة طول الوقت لأن عندهم ليسن قبلي وما يحبون سواقتي …. وعلى كل شي يتحكمون فيه الا لفي يمين والا دحي بريك والا انتبهي من السيارة او الشاحنة شوي بيقولولي اسكتي ولا تتكلمين
عقبها قمت اطلع بروحي الصبح بس ايام الاجازة عسب ماشي زحمة واسوق لين تمكنت من السواقة الحمد الله
اهم شي مثل ما قلتي الغلا تقرين سورة الكهف والا المعوذات وانتي راكبة السيارة
والله يحفظج من كل شر
للرفع
الحمدالله ع سلامتج الغاليه المفروض تنتبهين اكثر والي تعلمتيه طبقيه وخاصه يوم تبين تلفين لازم طالعين اذا في سيياير وتضربين اشاره والله ستر ……..
ان شاء الله البنات يفيدونج……..
يووووووووووه ياما صارت لي هالسوالف
تطلع لي سيارة غبية فجأة ..وزين ما نقلبت بالسيارة
اليوم بعد السيارة طالعة بالغلط وتبي تجاوز
الشارع بيصير فيه كل شئ
بس السايق لازم يكون منتبه
الله يقينا من هالحوادث
إحذري مفاجآت الطريق… خلج حذرة ومنتبهة وعندج سرعة بديهة عشان تتصرفين صح إذا تعرضتي لأي موقف
تستاهلين السلامه غناتي