خواتي المجربات أتمنى تفيدونا بتجاربكم عن اللولب ..
أنا دورت مواضيع عنه في النت وفهمت طريقة عمله وأنواعه وغيره ..
بس التجربة غير ..
* هل اللولب وسيلة مضمونة لمنع الحمل بالنسبة لج ؟
* اللي حملت على اللولب بعد كم شهر صار الحمل ؟ وهل كان حمل خارج الرحم أو حمل عادي ؟
* هل ندمتي على تركيبه ؟
* وكم تكلفته تقريبا ؟
الغالية انا ركبت بعد ولادتي ف ولدي الثاني ب 3 شهور ، الدكتورة تقولج ان اول ثلاث شهور بتكون الدورة غزيرة شوي وفي آلام لما تييج الدورة لأن هالفترة تعتبر فترة اختبار للجسم أنه يتقبل اللولب ولا لأ ، وفي الايام العادية خلال نفس الفترة ممكن تنزل لج قطرات من الدم هاذا بيكون شي عادي تغسلي و صلي مافي مشكلة والافضل خلال هالفترة الأولى من تركيب اللولب تكون العلاقة مع ريلج عادي ( انشالله فهمتي) بس ياريت يكون في منع طبيعي عن الحمل؟؟؟
أفضل انواع اللولب الهرموني في بعضهم مدته 3 أو 5 سنوات
أنا ركبت مال بو 3 سنوات وسبحان الله بعد ثلاث سنوات يقل مفعول هذا الهرمون يعني من الافضل تشلينه لما تكملين سنتين ونص لأن في حريم المانع يسوي لهم ضعف بعد ما يوقفون المانع اللي مسوينه سواء لولب أو حبوب.
يعني لما تبغين تحملين شليه قبله بفترة عادي تمين فترة لا تقل عن 6 شهور مثلا أو أكثر بدون مانع وما يستوي حمل.
ربيعتي ركبت لولب وياي وشلته وياي نفس الفترة أنا حملت بعد 5 سهور وهي مسكينة تمت سنة وشوي لما حملت انشالله تكونين فهمتي علي.
الاسعار تتراوح مع الفحوصات ما بين(400 – 700) درهم وتغطي الفحوصات البطاقة اذا عندج .
أي سؤال الغالية من عيوني عالخاص ولا تستحين
أختي مشكوووووورة وما قصرتي الصراحة كفيتي ووفيتي
ومنكم نستفيد فيه معلومات ما كنت أعرفها
بس اذا كنت حابة أمنع لمدة سنتين لا أكثر بينفعني ؟؟
أو اللولب العادي بيكون أنسب لي ؟؟
انا ركبته وااااااايد اوكي وهي تعتمد على شطارة الدكتوره لان اللولب انواع
وماانصحج بالهرموني ..
بس من تركبينه لازم تجيكين اول بأول عند الدكتوره تشوفين هل ناسبج وماتحرك وجي .. لان اغلب الي يحملن
عليه يطنشون مايجيكون ..
افضل دكتورتين الدكتوره كاميليا والدكتوره ماريان ..
انا ركبته والحمدلله كملت 6 شهور والحمدلله مرتاحه عليه
يسوي اللتهابات وتقرحات في الرحم والعنق
عن تجربة
الغالية انا ما عندي علم يس وجهة نظري اذا زوجج يوافق احسن المنع الطبيعي مافيه اثار جانبية