انا متأخرة عن الحمل ثلاث سنوات و الله الحمد و كل تحاليلي سليمه انا و زوجي و بدئت علاج قبل ثلاث شهور سويت تحاليل طلع عندي هرمون الحليب مرتفع وايد و خذيت عنه علاج و مستمره عليه و فحصت في ايام التبويض و طلعو صغار وااايد البويضات و الشهر يلي عقبه عطتني ثاني يوم دوره و لمده خمس ايام يوميا اربع حبات كلوميد. الصبح حبتين و مسا حبتين المهم سويت فحص ايام التبويض و اكبر بويضه 8 و قالت لي الدكتورة مستحيل يصير حمل معاج هالشهر .. و قالت لي قبل لاابدي اعطيج ابر لازم أتسوين أشعة مصبغيه و سويتها و طلعت نتيجه سليمه و لله الحمد ..،
و الحين باقي عن دورتي ثلاث ايام و الدكتوره قالت ليه ببدأ لج علاج كلوميد مع ست ايام يوميا ابرتين جونال اف صباحا و مساءا مع متابعه اليوميه لحجم البويضه و عقبها ابرة تفجيرين…،
انا خايفه آخذ ابرتين جونال اف يوميا احس وااايد في احد منكم مجرب هذي طريقه و نفعت معاه ؟؟!
الله يجزيكم كل خير أفيدوني !!!
25 مشاهده و لا رد !!!!
الله يسهل عليج
وحدة من ربيعاتي نفس مشكلتج وسوت كل شي
طلع في النهاية وزنها مع انها مش متينه لكن سوت ريجيم ورياضة ونقصت وحملت على طول
انتي خذي الابر وتوكلي على الله لازم تاخذينها كم شهر وحاولي تنقصين وزنج وراااااااااااااح تحملييييييييييييييييييييين
المهم انج عرفتي السبب لانه اذا عرف السبب بطل العجب يعني رااح يهون عليج موضوع الحمل داااااااام عرفتي السبب
الله يوفقج ويسرج ودااااااااومي على الاستغفار وشغلي سورة البقرة في البيت يوميا
up up up
حبيبتي طرشت لج رساله عالخاص
انا اتعالج لان بويضتي كانت نوعا ما صغيره حجمها 14 قالت ما بيصير حمل جي وعطتني دوا نسيت اسمه اعتقد نفس اللي ذكرتيه
مرتين باليوم طبعا ابدا شربه ثاني يوم من الدورة ولما خلصت وحسبت 11 يوم من بداية الدورة رحت لكرامة فعيادة الاخلاص فراس الخيمه وشيكت على البويضات كل وحده اكبر من الثانيه وحده 20 والثانيه 24 سيري تعالجي عندها بس بعدني مدري انا حامل او لا الله يشفيج ويعافيج وان شاء الله نحمل انا وانتي هالشهرر
براسلج عالخاص. يمكن افيدج