السلااام عليكم
خواتي العزيزات انا عندي مشكله صدق صدق منعبتني يمكن عند البعض تعتبر سخيفة بس اهي عندي وايد مهمة..
بخبركم قصتي انا اشتغل وبطبيعة شغلي عندنا رياييل بس موب وايد ولان طبيعة شغلي احتك وايد بالموظفين تعلقت بشخص منهم اهو مايعرف اني معجبة فيه يعني اعجاب من طرف واحد يمكن انا اسميه حب هيه حب اكتشفت اني احب هالشخص لما يغيب ادور واسال عليه لما يسولف مع غيري اغار عليه بس ابدا ابدا ماابين هالشي ابدا مابينت له اني احبه او اني اغار عليه لمن يسولف نع البنات دايما مخليه علاقتي معه عادية وبحدود الشغل بس مخبيه كل شي داخلي!!! عندي وحده فالمكتب دوومها تسولف وياه وهو يسولف وياها شكله عيبته السوالف وياها لانها من النوع الجريء وهو شكله يحب البنت راعية سوالف صار كل مرة يدخل مكتبنا عسب يسولف وياها وانا مرات اسولف واضحك وياهم لانهم يشركوني فالسوالف بس مرات سوالفهم ماتعيبني لانها وااايد تسولف وياه كانه عااادي وانا انحرج واسكت واخليهم بروحهم يسولفون وجيه احس بالغيرة والقهر بس اسكت واخبي كل شي بدخلي… انا الحين تعبت صرت متعلقة فيه اكثر انا اتمنى كل مرة هالبنت تسولف معه عسب يتم ويانا فالمكتب اكثر واشبع من شوفته- بسسس انا ماابا احبه لاني صرت افكر فيه واااايد قبل كنت ناسيته بس لما شفته يسولف مع البنت بدت مشاعري تتحرك من يديد – على فكرة هو مش مواطن هو من دولة خليجية- بنات حتى مرات اتم زعلانه يوم كامل اذا ماشفته او شفته يسولف مع حد غيري ومرات اعصب واتم متضايجه حتى هو يلاحظ هالشي وايي المكتب عندي اونه عسب اساعده فالشغل وايتم يسولف معي يطلع اي سالفه عسب اسولف معه- بنات تعبت ابغي انساه وماباافكر فيه ابا اعيش جو الشغل ابغي لما ايي فمكتبنا قلبي مايدق ولااحس بالغيرة- بخبركم موقف استوى فيوم من الايام اهو ابد مامر على مكتبناوحسيت بالضيج وسبحان الله على اخر الدوام سمعت احد ياي يمشي بسررررررعه وانا طالعه من الباب شفته واتفاجات وزين مادعمتهحتى هو كان منصدم لما شافني قلتله شخبارك قالي تمام وانا خلاص بسير البيت قالي تفضلي انا على بالي بيفسحلي الطريج الا اشوفه يعطيني حلاوة!!!! شوكولاته شكلها حلو كانت فايده انا شكلي جيه @@ انصدمت وقلتله شكرا وقالي اونه هالحلاوة هفيتها وقلت بعطيها لج بصراحة يابنات ماتتصورن اشقايل استانست للحين محتفظة بالحلاوة حتى اني صورتها__
الحين يابنات شورن علي شو اسوي انا تعبت من هالحب ابغي انساه حتى استغفر الله ماصرت شرات قبل احسه عقاب من الله – اتقبل نصايحكن بصدررحب
بالتوفيق اختي بارك الله لكي
لا تعلييق
الغاليه يوم تتعلقين فشخص صعب تنسينه
اتحملي اختي القلب يوم ينكسر صعب ينجبر
دووم ادعي ربي بالدعاء اللي انتي كاتبتنه فوق وخاصه فالسجود وبعد قولي ربي وفقني للخير حيث كان ثم ارضني به وحاولي قد ماتقدرين انج ماتحتكين بهالشخص
وربي يوفقج ويريح قلبج ان شاالله
اتقربي من ربج اكثر واذا هو من نصييبج بيييج لو وين كنتي
اذا شفتيه اشغلي نفسج باي شي استغفري سبحي اقريلج كتب كملي شغلج بس للاتتقربين منه ماتعرفين شو الايام تخبيلج
ربي يسهل امورك ويفرحك
يااارب تفرحين بخطوبته لج ياربي
ويسر امورج