السلام عليكم ورحمة الله وبركاته…
اشحالكم خواتي الكريمات…
من كم يوم سويت لزانيا… وطلعت حلوه رغم اني مش من محبين اللزانيا ابداً وقلت لازم احطها لخواتي في المنتدى يمكن وحده منكم تحب تسويها….gif "12 (11)")
المهم…..
هذه صورة اللزانيا…
وهذا الجبن… انا استخدمت نوعين جبن…. بارميزان وشيدر…
وهذا الباشميل…
طريقة عمل الباشميل..
نحط الزيت ونضيف عليه الطحين وبعدين نحط الحليب السائل لغاية ما تغلظ…. شوية ملح وفلفل اسود…
وهذا الصوص….
طريقة عمل الصوص..
نحط الزيت ونحط علية البصل المقطع لغاية ما يستوي بني فاتح نضيف عليه اللحم المفروم، البهارات اللي تبينه وبعدين نحط الطماطم (انا اشيل قشرة الطماط علشان تذوب) وبعدين اضيف علية صلصة طماطم وماء… اخليه لغاية ما يستوي احط الملح واسكر النار..
نحط شوية باشميل في البايركس وشوية صوص اللحم…. وبعدين نرص اللزانيا (اللزانيا من غير ما تنسلق… اغلب الناس تسلقها بس انا احطها من غير سلق ولا تخافون بتنضج وتلين معاكم)…
بعدين نحط على اللزانيا صوص اللحم بعدها الباشميل وبعدين الجبن… ونكرر العملية كثر ما تبوون…. (لزانيا، صوص، باشميل، جبن)
يتبع…..
وهذا شكل البايركس على جنب….
نغلف البايركس بالقصدير (هذه الحركة تساعد على نضج اللزانيا) وندخله الفرن على نار هادية وبعد 45 دقيقة تقريباً نشيل القصدير ونفتح الفرن من فوق علشان تتحمر من فوق….
وهذا شكل اللزانيا بعد التقطيع… انا قطعت اللزانيا وهي حاره علشان جي ساحت… انتوا خلوها تبرد وترتاح…
جربوها وان شاء الله ما بتندمون .gif "12 (88)")
… وبالعافية عليكم مقدماً… وحياكم الله….
اختكم أم حميد….
يميي يمييي
ماشااء الله علييج
وعليكم بالعافيه يارب
طريقتج حلوه من غير ماتطبخيين الازانيااا ان شاء الله اجرب طريقتج
يعطيج العافيه ام حميد
بنجرب وبنشوف
تسلم ايدج
انشالله بجربها
شهييييييييييييتيني
ما شاء الله عليج مبدعة :::: ان شاء الله بنجرب الطريقة ::: تسلم ايدج يالغالية :::
تسلم إيدج الغاليه….