الكل المتزوجات و الي مب متزوجات تعالو اباكم .

اشحالكم؟ شو مسوين بنات ؟

اول شي ادري عنوان الموضوع مادري كيف بس ما زقرتكم الى لني بقولكم شي انا عشته .
انا مب متزوجه بعدني ادرس و الي بقوله الحين مب مشكله لا سؤال لكل وحده بتقرا هلموضوع
الحين احنا كلنا بنات و حريم و الحمدالله مب ناقصنا شي انزين ليش انروح انخرب حيات الغير !!!!!!!!
طبعا استغربتو من سؤالي انزين بخبركم قصة :
بنات انا اختي العوده اداوم و الي وياها ايداومون اقص ايدي اذا مب كل وحده من هم حاطه زوجها فوق راسها و اتخاف اتزعله شوي. بس شو فالحات اين الدوام و انا سويت و انا سويت و ايخسي الريل و ايخسي الريل انزين بقولكم شي لين متى اوكي يمكن تتكلم هلوحده قدام وحده و اتكون ومثلي تسمعلها من اذن و اطلع من الاذن الثانيه بس فنفس الوقت يمكن هلوحده تتكلم قدام وحده شرات اختي و اتكون سبب فخراب حياتها و معنه و انا متاكده مليون فلاميه انه كلامهن جذب .
طبعا بتقولون شو اقصد :
اختي متزوجه من اكثر من 20 سنه, و توها كملت دراستها و الحين اداوم قبل ما اداوم عمرها ما غلطت ع ريلها او عيالها و من داومت تعالو و شوفو الي ايصير كل يوم مشكله و كل يوم اضرابه مب بس ويا ريلها لا حتى ويا بنتها الي عمرها 22 سنه و حتى انها ما تبا البنت تتزوج اتقول انا صغيره و الي وياي فدوام قالو حرام اصير يده من الحين و و و اشياااااااء وااايد و ريلها مسكين بيتخبل اتقوله اشياء عمره ما اتوقعها مثلا بعطيكم مثال طبعا هو ريلها ريال عود و مب مقصر لا عليها ولا على عيالها بشي اتقوله انته غصبن عنك تصرف علي و ع عيالي انا ما بصرف و هو عمره ماقالها اصرفي واخر شي اتقولها والله ربيعتي ريلها قالها و قدمت استقالتها و عقب سحبتها و ربيعتي و ربيعتي و خلاص البيت انترس مشاكل بسبب كلام الحريم .

الحين السؤال الي ابا اسالكم اياااه لكل متزوجه :

ليش في من المتزوجات يحبون يتباهون قدام ربيعاتي يعني عشان اتخربون حياتهم ولى شووو خلاص يا ناس اتباهوو بلجذب بس فبيوتكم مب قدام الناس حرام والله بدمرون اسر .

و السموحه ما كنت بكت هلموضوع بس لنه خلاص مليت من الي ايصير

•°o.O ( اللهم إن كان رزقنا في السماء فأنزله) O.o°•
•°o.O ( وإن كان في الأرض فأخرجه) O.o°•
•°o.O ( وإن كان بعيدا فقربه ) O.o°•
•°o.O ( وإن كان قريبا فيسره ) O.o°•
•°o.O ( وإن كان قليلا فكثره) O.o°•
•°o.O ( وإن كان كثيرا فبارك لنا فيه) O.o°•