القطع من سوق نايف؟

•ٱڵڛڵٱمَ ؏ـڵېڰم ۅړζـمۃ ٱڵڵـھ ۅبړڰٱٺھ•

هلا والله

جيف حالج اختي …. حبيبتيه قطع نايف وسوق نايف تقريبا هوه المورد لكل السوق ولكل المحلات …. قطعهم حلوة وما عليهن كلام واسعارهم زينه بس كاسري بعدج . من استوينا كلنا نلبس من الصنادق ومن نايف الناس العاديين والتجار. وعندج بعد محلات السطوة والشارجه بعد.

يا هلا بج .. شجون ، بخير ولله الحمد

لانه أنا من العين .. وما اعرف أسعار سوق نايف

اختي والله قطعهم زينه وما عليها اي كلام واسعارهم زينه بس هم يطلبون بالقطعة ٢٥٠ درهم وبالاخر بتاخذينها ب١٠٠ وانا شفت بنات كتير من السعودية بسوق نايف أخذن بضاعة حق التجارة والله يوفقك حبيبتي

موفقة
ے

أنا اغلب القطع اللي اشريهن من هناك والحمدلله الكل يعيبه
الصراحه حلوين وترى سعر القطعه يفرق من نوع لاخر
يعني الحرير له سعر والحرير الطبيعي له سعر
نفس الشي القطن انواع ولكل نوع سعر وحتى الشيفونات
الاسعار تبتدي من 5 دراهم للوار لغاية 250 درهم للوار
نوع القطعه هي اللي تحدد لج سعر بيعها بس روحي واختاري
ان شاء الله بيعيبج
راح اقولج النوع اللي دايما انا اخذه
قطن ياباني سعر الوار 25 درهم يعني 4 وار بـ 100 درهم (هاي جيمة قطعه كامله
تقدرين تسوين فيها مخوره او جلابيه عاديه)

هو أكيد كل نوع من القطع وله سعره ..

طيب خواتي المحلات المخصصة للقطع وين احصلها بالضبط … في بداية السوق أو آخره
أو أي شئ يوضح لي مكانهن بالضبط عشان ما ألفه كامل