الف الحمدلله ربيت بالسلامه وربي رزقني () قصة ولادتي

السلام عليكم ورحمة الله وبركاته ..

اللهم صلي وبارك وسلم على نبينا محمد .. عليه الف الصلاه والسلام ..

::::::::::::::::::::

اليوم : السبت

التاريخ : 10 7

الساعه : 7 صبااااحااا

المكان : المستشفى الدولي الحديث

::::::

تحركنا بالسياره انا وزوجي العزيز متجهيين الى المستشفى وذلك لاجراء الفحوصات والتخطيط

وصلنا المستشفى ورحت قسم التوليد .. كانت الدكتوره طالبتني عشان تسويلي تخطيط

ويتني النرس وثبتت عليه الاجهزه .. وخذت مني بعض البيانات ..

وانا قلبي يدق دق!! والقران ف ايدي ويالسه اقراااا

المهم وصلت الدكتوره .. وقالت انه لازم تحط لي طلق صناعي !!!!!!!!!!!!!!!

قالت انه الماي متغير ..!!

فحصتني ع اساس اتشوف النفس كم فاتحه … وكانت 1 سانتي .. فقـط!!!

وسعت لي وووووسعه وانا ااااااااااااااااااااااااااه مييييته من الويع

وقالت مش راضيه !!!! قلتلها شووه؟؟

قالت عنق الرحم عندج غليييييظ ومش راضي يليين ويفتح!!

ظربتني ابره تحت ع اساس طلق صناعي يلين النفس

وقالت لي امشي .. تميت امشي ويا ريلي وانا مووووووووول ما احس باي شي

وكنت خاااايفه واااايد .. وكنت ادعي ربي ان الله يسهل عليه واربي وتكون بنتي بخير

سليمه معافاه …

حولوني غرفه ثانيه تميييت فيها ساعاااااااااات وسااااااعاااااات .. يابولي كوره وقالولي يلسي عليها واذا ياج ويع نقزي ع الخفييف عسب تفتح النفس..

:::::::::::::::::::::::::::::::

الساعه : 12 الظهر

يتني الدكتوره لانها راحت العياده تشوف مرضاها .. وكانت تتطمن عليه من وقت للثاني وكانت النيرس على اتصال وياها وتخبرها بالتطورات اول باول …

عطوني ابرتيين طلق صناعي في النفس ..!!

بداااا الالم يزييد .. وما كان عندي غير ريلي ..الله يحفظه لي ولعياله ..

:::::::::::::::::

الساعه : 5 العصر

وصلت الدكتوره وقالت تبا تشووف النفس كم فتحت ..

شيكت وانا ميييته من الوييييييييع … قالت النفس 2 !!!!!

تمييت استغفر واقرااا كل الايات والسور الي انا حافظتنها ..

ويع ورا ويع …. والساعات تطووووووووووف

:::::::

من وقت للثاني كانت النيرس تشيك ع النفس والاالم كان فظييييييييييع وكانت تحاااول توسع وتوسع

:::::::::::::::

الساعه : 7 المغرب

قالت لي ظربوني طلق صناعي في الوريد + مضاد + 5 او 6 غراش مغذي

ما كنت ما كله ولا شاربه شي من الفير .. ومنعوني من كل شي..

شيكت الدكتوره وفجت الماي .. زاااااااااااد الويع وزاااااااااااااااااااااد

::::::::::::::::

الساعه 8

شيكت الدكتوره وكانت النفس 6

وقالت لي الدكتوره ان البنوته انجلبت وراسها بدال ما يكون لتحت رفعته كانها طايحه ع ظهرها..

وراسها مش نازل لتحت !!!!!!

قالت لي راس البنوته سوا ماي !!!!

خفت وااااااااااااايد

قالت اذا ما ولدي ع الساعه 10 بسوي لج قيصريه !!

من الويع الي فيه كنت اترشاها واترجاهاااااا تسوي لي قيصريه

وريلي مب طاااايع يقولي صبري..

كان عند راسي ويقرا عليه القران

::::::::::::

الساعه : 9وربع المسا

حسيت بشي فظيييييييع يضغط

يت الدكتوره وشيكت ع النفس قالت سبعه وسعت لي اليين 8 سانتي

قالت ولااااااااااده

وانا اتوييييييع ..

طلع عني ريلي وتم عند الباب يقرااا ويدعي ان الله يسهل علييه

الدكتوره تشيك وانا اترجاها تسوي لي قيصريه كنت خلاااااااااااااااااص هلكانه من التعب !!

اتقولي انتي تولدييين الحيينه يالله بوووووش بووووش بووووووووووووووووش

سويت بوووش والنفس صارت 9

ويالله يالله

لا اله الا الله محمد رسووووووووووووول الله

طلعت (( الــــــــــــيازيـــــــــــه ))

والف الف الحمد والشكر لك يا ربي

من الله عليه بولاده طبيعيه مع اني كنت اتمنى قيصريه من الويع الي حسيته

وع فكره ولادة البنت وااااااااااااااااااااااايد اصعب من ولادة الولد

الدكتوره يوم طلعت اليازيه قالت لي شوفي ولد !!!!!!!!!!!!!!!!

انصدمت وتمييت فااااااااجه عيوني اطالعها اقولها هاااااااااااااااه

ضحكت وضحكت قااااالت لااااااااااااااااا بنووووته وقمر مثلج

مع اني قايله لها لا تخوفيني .. ههههههههههههه

اللهم مالك الحمد والشكر

الف الحمد والشكر لك يا رب العالمييين

خذيت الجناح الي غرفه وصاله وعزكن الله حمام

الصاله وسيعه والغرفه وسيعه

والنيرسات كانن اهتمام ومعامله ولا احسن ..

والمستشفى راااقي ونظيييف

وعطو بنوتتي شنطه فيها معدات تنظيف ( بامبرز + تيشو منظف + كحول + قطن + لعبه + مشط +…..الخ ) + مفرش لتغير الحفاظات

والحمدلله .. ربيت الساعه 9 و35

ودخلت الغرفه الساعه 10 المسا

والف الحمدلله على سلامتي وسلامة اليوازي

بحط لكن موضوع خااااص للصـــــــــــــور

ترقبوني قريباااااااا

وتتربى في عزكم ان شاء الله