السلام عليكم و رحمه الله وبركاته
وشحالكن يالغاويات ربكن بخير ونعمه!!
بدش فالموضوع ع طول بما انه عيد الام قريب او بمعنى أخر يوم الام قريب وبيكون تاريخ 21-3 من هالشهرر
افكر اخذ لمايه هديه و لعمتيه ام ريلي هديه بس مب عارفه شو اخذ شو رايكن انتن فالهدايا تكون عبارره عن شو !!
ولي عندها افكارر تكتبهن ولا تبخلن عليناا لو ما عليكن ااااماارره انا احتاي هالشئ واكيدغيري بعد فالكل بيستفيد ..~
سموحه لو طولت عليكن حبيباتي
تعرفين الكبار يقدرووون الذهب وااايد خذيلهم شيء على قد ميزانيتج
او بوكس عطووور ودخووون
واذا يقرووون قرآن يعني مب كبار في السن خذيلهم مصحف حلو عود شيء مصاحف شرات المخمل وبوكسة وااايد حلو للهدايا مع دهن العود
ياقلبي..
والله الام لو شونسويلها مابنوفي حقها وفكرتج حلوه … أول شيء جوفي أمج شو تحب
يعني مثلا انا أمايه تحب عطر كوكو شانيل ^_^
أنزين عقب الله يسلمج بعد ماتخاذيلها الهديه وتغلفينها وجي…
بييي وقت الهديه الرئيسيه الي هي أنج..تسويلها بير (بئر) بأسمها..والله بتفرح وااااايد حلو أنج تسويلها شيء يعطيها الاجر والثواب وبس..
وأي خدمه حاضرين ..
والله يديم المحبه بينج وبين أمج يارب..
دعواتج لي يالغاليه
^_^
شرعا لايجوز الاحتفال بهالعيد لانه من اعياد الكفار ونحن بس لنا عيدين
( من تشبه بقوم فهو منهم )
لان نحن المسلمين كل يوم هو يوم عيد للام والابو والعايلة كلها — الحمدلله —
والله ورسوله وصونا فيها
فكرتج زينة بس ليش تحددين التاريخ
اهدي امج وعمتج في اي وقت من السنة مب شرط هاليوم عسب لاتاخذين اثم
وبعدين هن حريم كبار يعني ما يعرفن هالاعياد
فأي يوم واي هدية بيفرحون بها وانتي بتاخذين اجر بدل لاتاخذين اثم
والله يرزقنا بر والدينا
والله يا أختي أحنا نشتريلهم ذهب
بس كلنا الخوان والخوات نتحاطط وتكون عندنا ميزانيه زينه
للرفع