الفرق بين الامارات والشرقيه

بالشرقيه .. جربت الظهران مول .. والراشد مول ..وفينيسيا مول ..

والامارات .. دبي مول .. امارات مول .. ابن بطوطه .. ميركاتو .. سيتي سنتر .. دبي اوت لايت .. والتنين الصيني ..

وبكل امانه وصراحه اسواق الامارات افضل من ناحية التنوع والماركات ..
اما من ناحية الاسعار .. السعوديه فرق ارخص ..

يعني ساعه نفسها نفسها بالامارات والشرقيه .. تلاقينها بالامارات على 10000 وبالشرقيه بنص السعر ..
الاقمشه بالسعوديه نفسها بالامارات لكن عندنا ارخص بكثير .. لو نتكلم ع الاقمشه الراقيه والنادره .. قولي المتر عندكم بـ 5000 .. تلاقين المتر نفسه عندنا بـ
بوتيكات العطور .. عندنا ارخص بكثير .. وهي نفسها نفسها ماركة العطور ..
الخياطه والتفصيل والعبايات >>هالمووضوع عانيت منه بالامارات ..
بالسعوديه ارخص بكثير ..

::

اما بالنسبه للماركات العاديه … مثل زارا / برمود / مانجو …. السعر نفس السعر لأنها شركه وحده ..

لكن الامارات بالملابس الجاهزه صراحه احتار ايش اختار .. بحياتي مارحت لسوق بالامارات ورجعت وانا ندمانه على شي اخذته ماشاء الله ..
بضاعات متجدده .. تنوع وتناسب جميع الاذواق .. بسرعه تلاقين بمولات الامارات كل اللي بخاطرك وخاصه دبي مول وامارات مول ..

ميركاتو ماركاته عاديه جدا .. وابن بطوطه تلقطين معه كم بوتيك غريب وحلو ..

::

دام معكم عروس انصحك بالخبر والظهران ..

فينيسيا مول بالخبر فيه بوتيكات فساتين واقمشه .. وراح تلاقينها بسعر خيالي ويرضيكم ان شاء الله ..

الساعات شي خيالي .. زوري الحميضي اللي بالشرقيه راح تلاقين اللي تبينه والماركات نفسها بالضبط اللي بالامارات وبأسعار ارخص ..

والعبايات خليها تفصلهم بالشرقيه .. اوفر لها وصدقيني الخامه والماركات نفسها نفسها ماتتغير ابد ..

ملابس النوم والبيجامات شفت نفس المحلات بالشرقيه والامارات والاسعار نفسها نفسها ..
..