السلام عليكم ورحمه الل وبركاته
العيد قريب واحترنا في هديه الزوج
تدرون احس هداياهم ممله وما فيشي يديد
الصراحه مب عارفه شو ايبله كل شي يبنا + انه ما في شي يديد حقكم
مليت من
العطور
نعل
غتر
ساعه
محفظه
مداليات
ادوات حلاقه
ابا شي ايديد احس انه استانس لان بس اعطيه الهديه يقلي اكيد يا عطر ولا غتره او او احسن اني ما يبت شي
فاحس الهديه صارت مالها معنى او ممله
شو رايكم
والي عندها اقتراحات يديده اتفيدني
^^ الهدية دايما تقرب بين الشخصين (تهادوا تحابوا)
بس إذا أنتي مليتي من أنج تعطينه هالهدايا … فهالعيد لا تعطينه هدية عينية … عطيه هديه معنويه …
سوي له مفاجأة بأنج حجزتي فندق أو منتجع أو أو أو و ودي هناك بدون ما يدري … عقب خل يتفاجأ …
أو سوي فيه مقلب خل يضحك …
سوي جو ضحك بينكم …
و عطي هدية غريبة هو ما تعود هليها … لأن الرياييل يحبون الأشياء الغريبة …
أنا أعرف وحدة دوم تعطي زوجها الهدايا الي ذكرتيهن … و هو تعود … مرة سوت تغيير و عطته دبدوب … مع أنه زوجها ريال عود و أبو عيالها …
بس أستانس وايد عليها … و حطاه في سيارته جدام …
الهدية مب في قيمتها … الهدية في شعوره تجاهج لما يشوفج أنج ذكرتيه و يبتي له … الرياييل عندهم فلوس و يقدرون ييبون أحسن من اللي يبتي لهم …
بس الرياييل يحبون الوحدة تذكرهم لو بأبسط هدية …
ما ادري احجز فندق قويه الصراحه اخاف مب متعوده وهو ما يحب هالاماكن
فكرت اعزمه مطعم المشكله انا ما اسير مطاعم يمكن في السنه مره فما اعرف غير مطعم زهره لبنان وتيار الي في المارينا بس اكله مب حلو
اذا تعرفين مطاعم حلوه في ابوظبي بس اهم شي اللحوم اتكون حلال لان اكيد بيطلب مشاوي خخخخخ
ما لج الا المطعم الدوار في المارينة
اي واحد الي فوق الي يكون مصعده يكون في العمود ويكون تحت كفيات ومحلات ايسكريم
حجز الفندق تغيير رووووعة وحتى لو مب متعودة ولا هو متعود بتعجبكم الفكرة بالأخص لو طلبتي من مسؤولين الفندق يرتبوا لج الغرفة بالشموع والورد والكيك والروائح العطرة راح تكون هدية حلووووة حقج وحقه
حالي من حالج
ومحتارة وادور شي مميز
بس للحيـــن هب عارفـــه شو اييب له