مرحبا اشحالكن
بنات انا عنديه ختيه الصغيره الحين ماشالله غدت حرمه 22 سنه ان شالله بتزوج جريب بس ختيه ما ترمس يعني ماتخبرنيه شي عنها كل بالمختصر احاول منيه مناك ماشي فايده هيه الحين بتعرس بتاخذ واحد اكبر عنها ب 19 سنه الله يوفقها ماطاعت تقتنع انه احسن تاخد من عمرها هي حلوه ماشالله وصغيره وكم انخطبت بس ما رضت ~ تجهيرات عرسا يا اختيارها يا ريلها وانا الشي اللي اقولها اياه ما اتسويه الا غصب وضرابه هي ماتعرف احسا تعاند وبس ماعرفتلها احترت شوركن لاهنتن
ما شاء الله 22 سنه مب ياهل
و ريلها عود مب مراهق ^_*
خليها ع راحتها
انتي سوي اللي عليج اقترحي و قولي رايج
فالنهايه العرس عرسها و عرسه ^_^
انا اعاند امي دووم شرات ما اختج تسوي فيج
لا شعوريا ما احب حد يفرض رايه علي
ولا احب حد يشكك في رايي و اختياراتي
بعدين فرق السن يلعب دور يعني بينج و بينها
يمكن هي لها ستايل معين او فكرة معينه
انتي تابعي و راقبي وخليج معاها
يعني قصي على عمرج و قولي : واو حلوة فكرتج بس لو حطيتي هذا على هذا بيطلع احلى
مادري جربي ^_^
حبوبه اذا الريال زين ومحترم لاتخافين
واذا هي عنيده ماعليه عقب العرس ان شاء الله تتغير لانها لازم تسمع كلام ريلها
والله يوفقها ادعي لها بالتوفيق
الله المستعاان00حبيبتي اختج مب صغيرة ما شااء الله عليهاا
ويمكن هي مستخيرة ومرتااحه فديتج
اناا ماا الومج حبوبة لان من حرصج وخوفج عليهااا تبين تسااعدينهاا
بكل طريقه 00لكن أقولج الانساان بالاخير يتخذ قراار حيااته ويتحمل نتاايج قرارااته ^_^
ادعيلهاا بالتوفيق والله يسعدهاا ويعطيج ع قد نيتج الحلوة عنوووني
الله يوفقها إن شاء الله
وما شاء الله 22 سنه بنت عاقلة
واكيد هي ما راح تستغني عنج وبتحتاجج لو بغت شي او شي قاصرنها سواء استشارة او مساعدة
اذا الريال اكبر منها وايد زين يعني اكيد عمره في نهاية الثلاثين او بداية الاربعين
وهذا معناه انه ريال عاقل وفاهم الحياة زين
احسن من اللي جريب من عمرها بعده ما طلع من البيضة
خلي اختج على راحتها هي ما اتعاندج بس شكلها ما تبغي حد يدخل في خصوصياتها
غاليتي 
أول شي ربي يوفق أختج ويسر لها
وانتي يزاج الله خير على حرصــج واهتمامج من حسن تربيتج ^_^
بس غاليتي ,, الزواج ما نقدر نحكم عليه ..
نقدر ننصح ,, نستشير ,, نوجــه
بس في الأخير القرار الأخير للعرسان ,, وهم الي يتحملون مسؤولية قرارهم
فرق العمر مب عيب
وياما في زيجات نجحت بفرق عمر مشابـه ^_^
لكن أهم شي انها تستخير
ما خاب من استخار
وبعد الإستخارة رب العالمين بيقدم لها خير الأمور
الله يوفقها ادعي لها بالتوفيق غاليتي ^^