اخواتي انا ان شاءالله مسافره قريب اول يناير مسافرين لندن علاج لبنتي ادعولها ان الله يشفيها
طبعا نحن مسافرين عن طريق الهيئه بس كنت ابا اعرف واستفيد من خبراتكم من ناحيت السكن والمطاعم وترا انا وريلي مش ذاك الزود في الانقليزي ونخاف نتورط فلي عندها خلفيه عن العلاج في لندن ياريت تفيدنا شو المطاعم وين الاماكن السياحيه الحلوة وافضل المستشفيات طبعا نحن ما بنكوووووون 24 ساعه بالمستشفى اعتقد فحوصات وخلاص لان بنتي عندها صرع وما بتحتاج تنويم اظن فحوصات وخلاص ………….ز اتريا ردودكم
الله يشفيها يا رب ويخليها لج
الغالية لا تحاتين وايد على سالفة الأنجليزي خص في المستشفى لانه بيكون هناك مترجمين
وعلى السكن خذولكم شقة تكون قريبة من المستشفى
طبعا السايق إللي بيستقبلكم في المطار أكيد بيكون عنده ليسته بأرقام الأشخاص إللي يأجرون شقق
وعن المطاعم عندج أجوردرود كله مطاعم و بقالات عربية لا تحاتين فديتج
وما وصيج كثري اللبس الثقيل لبنتج… لانه شهر 1 برررد……. داخل الشقة مب إشكالية لأنه الدفايات بتكون شغالة
بس وقت الطلعة لبرى
وترى محلاتهم تسكر على الساعة 6 المغرب يعني إذا بتتحوطون شدو حيلكم في النهار لانه الساعة 4 تكون صلاة المغرب وتظلم الدنيا
وأي استفسار أنا حاضرة
للرفع
الله يعافي بنتج ان شاء الله و يشفيها ..
ان شاء الله بالنسبة للغه ترا لندن متروسه عرب ..
في الادجور رود كله مطاعم عربية ..
الله يشفيها يا رب ويخليها لج
انا ولدي فيه الصرع الهيئه ودونا تايلاند بس الهيءه مايقصرون بيوصلونكملفندق امن وجريب من المستشفى ويوميا بيوصلونكم وبيرجعونكم وكل اسبوع مره تروحون السفاره تستلمون المصروف لاسبوع وبتتمشون وبتستانسون لا تحاتين بنتج اهتمي فيها وادعيلها واتوكلي على الله وشغليلها سورة البقره كل يوم وخليها ترقد وترتاح التعب يرجع التشنجات والزكام بعد والدوا بروحه يخدر اجسامهم والله يعينها فديتها