زوجي عصبي مره طلعت وياه عسب ارجع العباه لاني اشتريتها ورجعتها وكان ينازع ويا صاحب المحل عسب يرجع المبلغ فكنت اقوله شوي شوي اتكلم فما عيبه كلامي بعدين قالي انتي ليش ادافعين عنه قلتله عشان يردلك المبلغ شو اسوي ويا زوجي شي صغير يكبره محتارة
الله يعيييييييييينج
اكره شي عندي اتعامل ويا عصبي
فهميه بهدوء ،، بطريقه ما تنرفزه ..
غاليتي 
العصبية مب بس في ريلج وإنما في عدد كبير من الأزواج
وابشرج انها شي يتغير مع الوقت أختي وفي تجارب كثيرة في المنتدى ^_^
أهم شي الصبر
وان هو صارخ انتي هدي
اتوضي صلي غيري الغرفـة بعدي عنه شوي …
وحاولي تتجنبين الشي الي يعصبه
ولا تطلبين منه يغير نفسه جدام الناس
اذا استوى موقف علنا اسكتي وفي البيت صارحيه
وربي يسخركم لبعض
الله يهديه
مشكوة
الريال اكره ماعنده حد ينتقده جدام حد فكيف يوم يكون معصب وانتي تدخلين فالنص عسب يهدي بالعكس احس انتي جذيه تخليه يزيد وبيحط عليج حط انتي اسكتي عنه افضل والريال العصبي قلبه ابيض لو يعصب يتلووم حتى لو مارمس بس يعبر عن نفسه بالافعال يعني ممكن توصلي له اللي تبيه بعدين من يهدي وعسى ربي يوفقج
فـــووووق..