العجينة القطنية الذهبية الرائعة

اليوم يبتلكم عجييينة بيتزا و فطاير و سينابووووووون ولاااا اروع

صدقوني ما ابالغ وصراحة اقول يزاها الله كل خيير للعضوة اللي حطت هالطريقة

لأني انا جربت سويتها حق الغدا على اساس بسوي بيتزا و طلعت خباااااااااااااال

وكل اللي كانوا ع السفرة عيبتهم البيتزا لدرجة اني سويت منها حق العشا بعد

وقلت خلاص بعتمدها ان شاء الله حق المعجنااات

جربوها و ادعولي انا وصاحبة الوصفة

المهم خلوني انقل لكم الطريقة "حرفيااااا"

يلا بسم الله نبدا

((
السلام عليكم ورحمة الله وبركاته

لا تفكرون إني بالغت بالعنوان

والله إنها عجينة رهيييييييييييبة وكل من جربها مدح فيها

وهي نفسها التي نحضر بها البيتزا والفطاير والسينابون

وهذي صورة قبل الطريقة

رهييييييييييبة والنتيجة زي القطنة والله ،، وكل من أكلها عندنا أخذ الطريقة

لعمل العجينة نحتاج

1 جيلة طحين رقم 1 ( 500 جرام طحين معجنات ) (( تقريباً 3 كاسات وربع ))
4 ملاعق ط حليب بودرة
1 فنجان زيت
1 فنجان سكر
1 م ك خميرة فورية
1 ملعقة ص ملح
1 م ك بيكنج باودر
ماء دافئ للعجن

الطريقة يا حلوات

تعجن العجينة بخلط كل المقادير حتى تتشكل لك عجينة طرية
وانتبهي أن تستمري بالعجن لمدة لا تقل عن عشرة دقائق

وكلما زادت مدة العجن كلمات زادت طراوة العجينة

الآن غطي العجينة في مكان دافيء لمدة ساعة
ومن ثم شكليها بعد أن تتضاعف

في البيتزا نحاول ما نحط طماطم كثير

اعملي الصلصة بطريقتك الخاصة وامسحي بها وجه البيتزا

وحطي شرائح زيتون + مكعبات فلفل رومي ورشي الجبن الموزريلا ورشي شوية زعتر وامممممممممم على الطعم

وهنا تشوفون حبة كروسان جبن خخخخخخخخخخ

مرة حشيناها بجبن فييتا ونعناع مجفف وطلع الطعم خطييييييييير ولا أحلى

وجربوا احشوها أيضاً بقشطة وشوفو الطعم كيف يدوخ ،)،

وهذي صورة أخيرة

والله طرية وزي القطنة وكأنها معجنات جاهزة !!!!

جربوا وصدقوني راح تعتمدون العجينة عندكم ..

وبالفرن ما تاخذ أكثر من ربع ساعة))

وللامانة الوصفة من الاخت هند من مدونة عروس

واللي تعجبها الطريقة
مرة اخرى اكرر
تدعيلي انا و صاحبة الطريقة