خواتي ابا نصيحتكم لي انا اليوم عطيت بنتي كف عمرها سنه ونص كنت حاضنتها وعضتني بقوه ف أيدي وأعطيها كف وقدام الخدام وندمانه صراحه بس بنتي كله تبكي وتصارخ وتعض وتقرص قبل ما ايييب الخدامه عسب محد يقول الخدامه تسويلها والله احب بنتي وندمانه ومابها تكرهني او تتعقد
حبيبتي اسلوبج غلط وياها هاي طفله لا تضربينها ويوم بتضربج ازعلي منها ودزيها بعيد عنج بتحس بغلطها والرسول نهى عن الضرب عالويه
حراااام كله ولا الضرب عالويه
ولو ضربتينا هيه بتزيد و بتستوي عنيفه اكثر
لو ضربت او عضت عاقبيها مثلا اضربيها على ايدها او خل توقف عند الباب و ترفع ايدها يمكن ينفع
الطفل قطعة حساسة لو تغير ويهج بتتضايق كيف لو كف ع ويها
عوضيها بالحب والحنان واحضنيها وانخشي شوي خل تلحقج وتحصلج وتضحكون ويا بعض وتحبج و احضنيها هي محتاجة اهتمام عسب جي تعض وتلصق حاولي تعطينها اهتمام أكبر وتعوضينها
انا ولدي شوي دفش نفس عمر بنتج ربي يحفظهم من قمت العب معاه وايد تغير وصار هادي أكثر
وكنت نفسج اتنرفز منه وأعصب عليه عقب حطيت فبالي انه وجوده نعمة من الرحمن وما أتخيل حياتي لحظة بدونه أخاف لو عصب عليه ولا ضربته ربي يحرمني منه وقمت احضنه من اجوفه متضايق ويعض أو أشغله بشي ثاني أو أتطالع بعينه وكلمه
موفقة غناتي
الصراحة يوم اجيبها من عند اهل ابوها اشوفها تصارخ وتكون عصبية وتعضني وتضربني واتفل كنت اطنش بس اشوفها زادت مب مثل يوم اقطع فتره عنهم ولا اروح بيت اهلي تكون غير ماعرف شورن عليه وهي احيانا يضربونها الصغاريه ومتدافع عن نفسها وقدامي اشوفها شاطره
الضرب يخلي الياهل ذليل ويتعود ع الضرب ومايدافع عن نفسه خصوصا الضرب ع الويه !
تحذري تضربينها قدام الخدامه لان ممكن تستقوي الخدامه عليها وتضربها
الأحسن لا تضربينها قدام اي حد وحتى بروحكم ترا يضعف الشخصيه
اكيد بيحترق قلبج عليها بس ضربتيها
وهي يا حليلها عشر دقايق وتنسى اهم شي ما تعودينها على الضرب وما تكررين هالتصرف لا بوجود الخدم او غيابهم
اطفالنا احباب الرحمن وهم امانة عندنا
اتعوذي من ابليس بس تعصبين واتذكري الضرب بهذا العمر ما له اي فايدة اونه الطفل يفكر شو غلطه