هلا خواتي —
بنتي عندها صفار من اول يوم يبتها فيه بس نسبته مش عاليه وايد 8 % وانا ابصراحه خايفه عليها وايد الدكتور قال لي هي ماتحتاج ان نحطها تحت الليت النيون لان نسبته مش عاليه بس محتاجه مراقبه وانا ابصراحه ما اعرف كيف يزيد او ينقص سمعت يقولون ان هناك شرايط ينباعن تقدر الام تحطهن على جبين طفلها لتعرف مدى الصفار الموجود فيه – بليييييييييز الي تعرف شي عن الشرايط او عن علاج الصفار تعلمني ولها مني جزززززززززززززززيل الشكر
للرفع
ولد اختي كان فيه صفار يوم انولد بس خلوه تحت الليت جم يوم عقبها كالوا خلاص مافيه شي الحمد لله يمكن على حسب النسبة ماعندي فكرة بهالخصوص ان شاء الله يخوزعنه مايشوف شر
الشر ماييج فديتج
غناتي انا بنتي كان فيها طلب مني الدكتور اعرضها للشمس لمدة اسبوعين شمس الصبح ساعه 9 او 10 خليها مال ربع ساعه وعقبها بتشوفين النتايج باذن الله
حبيبتي العلاج::: اتخلين طفلج في اضاء الشمس الصبح الساعه 7
ةحليب مراعي فيه ملعقتين كركم.. هاذا العلاج الوحيد
انا نفس الشي بنتي عمرها اسبوعين وللحين فيها صفار بس ما عرف كم نسبته بس يبين ان خفيف كان قبل وايد والحين خف
الرضاعه الطبيعيه + تعريضها للشمس
والحين الشمس حاااره احسن وقت من الساعه 6 ونص او 7 لمدة ساعه تقريبا
وانا تميت كل يومين اطلعها بس الصراحه ما اطول آخر مره طلعتها لمدة نص ساعه مب اكثر
انا خايفه عليها بس ما اروم انش الصبح .. الله يحفظها لي تسهرني وما اروم انش من الساعه 6
الله يشفيلج بنتج ان شاء الله ويشفيلي بنتي يارب