مرحبا خواتي شحالكم
انا كنت صابغه شعري تقريبا من 3 سنوات ونولت الصبغه بس احنيه احينه من فتره لفتره واخر مره حنيته في رمضان .. والحين انا خاطري اصبغه بني واشقر بس لما رحت الصالون قالت لي اللي في الصالون ان ما تقدر تصبغه عسب الحنا 
مع ان خاطري اصبغه لان عندنا عرس قريب ان شالله شو الحل محد يعرف شي يخوز الحنا ؟؟
لازم تسحب لون شعرها
لا سحب اللون يهلك الشعر وبعدين ما يسحبون الحنا يسحبون الصبغه
اختي نصيحة لا تخربين شعرج
انا سويت سحب لون ..
وهذوا شعري تعبان حيل
ما خليت زيوت ولا حبوب فيتامينات ما استخدمها
نصيحة لا تجازفين
وبعدين حلاته الشعر اسود
إذا تبغين تحكمين على شعرج بالإعدام سوي سحب لون….
اختي اصبري لا تحطين على الحنا صبغه….اربيعتي سوت جذيه و استوى شعرها الناعم لييييفه
شكرا لكم خواتي عالنصيحه الطيبة
صح ماترومين تصبغين الا بعد ما الحنه تخوز .. تريي عليها فتره