السلام عليكم ورحمة الله وبركاته
شحالكم عساكم بخير وسهاله قربوا حياكم في مطبخ ام خويلد
اليوم يا حلوات مثل ما وعدتكم رجعت وسويت السينامون ستيك ( اللي كنت مصورتنه في موضوعي السابق)
http://www.uaewomen.net/showthread.php?t=69006
المقاديروالطريقة وايد سهلة وما تاخذ من وقتج اكثر من ساعة
قولوا بسم الله الرحمن الرحيم
اولا شي ناخذ عجينة البف باستري الحجم الصغير
وندهنها بشوية حليب مركز ( شوية لا تكثرون علشان ما تحترق ) ونرش عليها كمية وافرة من القرفة
ونرشها بعد باللوز المطحون كثروا منه يمي يمي
وعقب انطبق كل ثنتين فوق بعض
وهني للاسف خلص جارج التلفون وكانت اهم خطوة بحاول اني اشرحها لكم وانشالله انكم بتفهمون علي لان الخطوة بصراحة سهلة بس انا مكبرة الموضوع حبتين:1 (19): (خقااااااااااااااقه )
عقب ما طبقنا كل قطعتين مع بعض انقطع المربع الواحد تقريبا خمس قطع طولية
وناخذ كل قطعة ونبرمها يعني نمسك الاطراف باليدين ونلفهم عكس بعض انشالله انكن فهمتوا علي
وعقب نخبزها في الفرن ما تاخذ وقت وايد نحمر من فوق ومن تحت
وعقب ما تخلص نزينها بخطوط من التوفي والحليب المركز ونرش عليها كمية كبيرة من اللوز المجروش او ممكن انزينها بخطوط من الحليب المركز والفستق المطحون مثل اللي سبق وسويت في الرابط اللي فوق ( يوم خلصت حطيتها في الفرن رجعت احط التلفون في الجراجة ويوم خلصت الحلاوة شليت الصحن عند الجراجة وصورتها لعيون بنات وسيدات الامارات )
وهذا شكلها مزينه بالتوفي
وهذي صورة ثانية
يمي يمي
الطريقة سهلة وباين انة لذيذ
يزااااااااج الله خيييييييييير
تسلم ايدج شكلها حلو
يااااااااااااااااااااااااي يعطيج العافية
تسلم ايدج
والله يعطيج العافيه..
البارجه سويته بس للاسف ما حطيت لوز
المره اليايه انشاءالله
يزاج الله خير
ماظهرت الصور عندي 